باعدارلامالارعا بايىپتى باعا بەرىلدى

كەشە ۇكىمەتتە پرەمەر-مينيستر كارىم ءماسىموۆتىڭ توراعالىعىمەن سەلەكتورلىق كەڭەس ءوتتى. كەڭەستە ەلىمىزدە ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى مەن قورشاعان ورتانى قورعاۋدا باستى ماڭىزعا يە بولىپ تابىلاتىن 2010-2014 جىلدارعا ارنالعان “جاسىل دامۋ” سالالىق باعدارلاماسى جوبالارى تاعى ءبىر پىسىقتالىپ, ماقۇلداندى. اۋەلى 2011-2020 جىلدارعا ارنالعان ءبىلىم بەرۋدى دامىتۋ باعدارلاماسى جوباسى توڭىرەگىندە باياندامانى ءبىلىم جانە عىلىم ۆيتسە-ءمينيسترى ماحمەتعالي سارى­بەكوۆ جاسادى. ول اتاپ كورسەت­كەن­دەي, مەملەكەتتىك باعدارلامانىڭ نەگىزگى ستراتەگيالىق ماقساتى – ازاماتتاردىڭ ماتەريالدىق جانە رۋحاني ءال-اۋقاتىن جاقسارتۋ, ەكونوميكانىڭ تۇراقتى دامۋى ءۇشىن بارشاعا ارنالعان ساپالى ءبىلىمنىڭ قولجەتىمدىلىگىن قامتاما­سىز ەتۋ ارقىلى ءبىلىمنىڭ باسەكەگە قا­بىلەتتىلىگىن ارتتىرۋ, ادامي كا­پيتالدى ارتتىرۋ. بۇل باعدارلا­ما­دا 9 باعىتتى ىسكە اسىرۋ كوزدەلگەن. باعدارلاما ەكى كەزەڭدە جۇزەگە اسىرىلاتىن بولادى. ءبىرىنشى كەزەڭ 2011-2015 جىلداردى, ەكىنشى كەزەڭ 2015-2020 جىلداردى قامتيدى. 2011 جىلدان باستاپ 2013 جىلعا دەيىن ءۇش جىلدىق بيۋدجەتتەن باع­دارلامانى قارجىلاندىرۋدىڭ قو­سىمشا مولشەرى مەملەكەتتىك بيۋد­جەتتەن 151 ملرد. 159 ملن. 213 مىڭ تەڭگەنى, ونىڭ ىشىندە 2011 جىلى 50 ملرد. 627 ملن. 776 مىڭ تەڭگەنى قۇ­رايدى. سونداي-اق ول كەيىنگى جىل­داردىڭ شىعىستارى مەملە­كەت­تىك بيۋدجەتتى ءتۇزۋ بارىسىندا قا­راستىرىلاتىندىعىن ايتا كەلە, مەملەكەتتىك باعدارلامانى ىسكە اسىرۋ ساپالى بىلىمگە بارلىق ازا­ماتتاردىڭ قولجەتىمدىلىك جاعداي­ل­ا­رىن جاساۋ ارقىلى ءبىلىمدى دا­مىتۋعا سەرپىندى ىقپال ەتەدى, دەدى. وسى ورايدا ۆيتسە-مينيستر مەملە­كەتتىك باعدارلاما بويىنشا 288 ۇسىنىس پەن ەسكەرتۋلەر كەلىپ تۇسكەنىن جانە ونىڭ 104-ءى اتالعان قۇجاتقا ەنگىزىلگەنىن دە جەتكىزدى. 2010-2014 جىلدارعا ارنالعان “جاسىل دامۋ” باعدارلاماسى شەڭ­بەرىندە بايانداما جاساعان قورشا­عان ورتانى قورعاۋ ءمينيسترى نۇر­عالي ءاشىموۆ اتالعان باعدارلاما قازاقستاننىڭ 2020 جىلعا دەيىنگى ستراتەگيالىق دامۋ جوسپارىن جانە ەلباسىنىڭ تىكەلەي تاپسىرماسىن ىسكە اسىرۋعا باعىتتالعانىن ايتتى. سونىمەن قاتار ول باعدارلامانى ىسكە اسىرۋ ناتيجەسىندە بىرقاتار كورسەتكىشتەرگە قول جەتكىزۋ جوس­پارلانىپ وتىرعانىن, اتموسفەراعا زياندى زاتتار شىعارىندى­لارى­نىڭ تومەندەۋ پايىزى 2009 جىل­مەن سالىستىرعاندا 2014 جىلعا قاراي كەمىندە 5,9 پايىزدى قۇ­راي­تىنىن اتاپ ءوتتى. پارنيكتى گاز­داردىڭ جىلدىق شىعارىمدىلارى كولەمىنىڭ تومەندەۋى 2014 جىلى 1992 جىلعا قاراعاندا 1 پايىزعا جەت­پەك. كيىكتەر سانىنىڭ ءوسۋى 2014 جىلعا تامان 10 پايىزدى قۇ­راسا, ورمان وتىرعىزۋ كولەمىنىڭ جىل سايىنعى ۇلعايۋى 2014 جىلعا قاراي 65 مىڭ گەكتاردى قۇرايتىن بولادى. باعدارلاماداعى جۇمىس “جا­سىل ەكونوميكانى” دامىتۋ, قور­شاعان ورتا مەن ادام دەنساۋ­لى­­عىنا انتروپوگەندى اسەردى ءتو­مەندەتۋ, تابيعي ەكوجۇيەلەردى ساق­ت­اۋ جانە قالپىنا كەلتىرۋ, سونى­مەن قاتار قورشاعان ورتانىڭ سا­پا­سىن باسقارۋ جۇيەسىن دامىتۋ جانە جەتىلدىرۋ سىندى ءتورت باعىت بوي­ىنشا جۇزەگە اسىرىلماق. باعدار­لامانى جۇزەگە اسىرۋعا 350 ملرد. تەڭگە باعىتتاۋ كوزدەلۋدە. سەلەكتورلىق كەڭەستە پرەمەر-مينيستر ك.ءماسىموۆ وبلىستار اكىمدەرىنىڭ ورتا مەكتەپتەردىڭ جاڭا وقۋ جىلىنا جان-جاقتى داي­ىن­دىقتارى جايىنداعى بايانداما­لا­رىن تىڭدادى. سونداي-اق ول پرەمەر-ءمينيستردىڭ كەڭسەسىنە وڭىرلەردەگى ورتا ءبىلىم بەرەتىن نى­سان­داردىڭ جاڭا وقۋ جىلىنا دايىن­دىعىن تەكسەرۋ ءۇشىن باس ينس­پەكتورلاردى جىبەرۋدى تاپسىر­دى. ۇكىمەت باسشىسى باس ينس­پەك­تورلار ءبىلىم بەرۋ نىساندارىن تەكسەر­گەننەن كەيىن ولاردىڭ جاعدايلارى جايىندا وزىنە ناقتى بايانداما ازىرلەيتىندىگىن ايتا كەلە, ودان سوڭ كەز كەلگەن شەشىمنىڭ, ءتىپتى كىنالىلەردى جۇمىستان بوساتۋ تۋرالى شەشىمنىڭ قابىلدانۋى دا مۇمكىن ەكەندىگىن ەسكەرتىپ ءوتتى. وسى رەتتە ۇكىمەت باسشىسى جەرگىلىكتى اتقارۋ ورگاندارى باسشىلارىنا جاڭا وقۋ جىلىنا دايىن ەمەس ءبىلىم وشاقتارىنىڭ دايىندىعىن اياق­تاۋدى تاپسىردى. ءابدىراحمان قىدىربەك.