جاڭا وقۋ جىلىنا ازىرلىك قالاي؟

تىلشىگە تىعىز تاپسىرما جاڭا وقۋ جىلىنىڭ باستالۋىنا دا ساناۋلى كۇندەر قالدى. سۇيىكتى مەكتەبىن ساعىنىپ جۇرگەن جاس جەتكىنشەكتەردى قابىلداۋعا ءبىلىم ۇيالارىنىڭ ازىرلىگى قانداي؟ “ەگەمەننىڭ” تىلشىلەرى وسى جونىندە اڭگىمەلەيدى.

الماتى وبلىسىنان — كۇمىسجان بايجان:

— ەلدى جاڭعىرتۋ ستراتەگياسىن ىسكە اسىرۋدىڭ تابىستىلىعى جاس­تار­دىڭ باسەكەگە قابىلەتتى ءبىلىمى مەن بەلسەندىلىگىنە تىكەلەي بايلا­نىستى ەكەندىگىن ەلباسى ءاردايىم اتاپ ايتىپ كەلەدى. سوندىقتان دا اتالعان سالاعا بولىنگەن قارجى كو­لە­مى ءوسىپ, ءبىلىم شاڭىراقتارى زا­ماناۋي قۇرال-جابدىقتارمەن تو­لىقتىرىلۋىنا نازار اۋدارىلۋدا. تالدىقورعان قالاسىنىڭ شىعى­سىن­داعى قاراتال شاعىن اۋدا­نىندا جىل وتكەن سايىن جاڭا قۇ­رىلىستار بوي كوتەرىپ, حالىق سانى ءوسۋ ۇستىندە. دەمەك, مەكتەپكە بارا­تىن شاكىرتتەر مەن باقشا ەسىگىن اشۋعا تىلەك ءبىلدىرۋشى بالعىندار قاتارى جەتكىلىكتى. شاھاردىڭ وڭى مەن سولىنان دا ساۋلەتتى اسەم عيماراتتار سالىنىپ, قۇرىلىستارى جەدەل جۇرگىزىلىپ جا­تىر. سولاردىڭ قاتارىندا كوپ قا­باتتى نازارباەۆ زياتكەرلىك مەكتەبى مەن سپورت سارايىنىڭ قۇرىلىسىن اتاپ ايتۋعا بولادى. تامىز ايىندا پايدالانۋعا بە­رى­لەتىن اتالعان نىسانداردى ارالا­عان­دار قۇرىلىس الاڭىنداعى جۇ­مىس­پەن تانىستى. نازارباەۆ زيات­كەر­لىك مەكتەبىنە بيۋدجەتتەن 2 ملرد. 286 ملن.تەڭگە ءبولىنىپ, قازىرگى كەزدە 750 ادام جۇمىس ىستەۋدە. عي­مارات­تىڭ ىشكى ارلەۋ جۇمىستارىنىڭ تياناعى كەلتىرىلىپ, جيھازدارمەن قامتۋ ماسەلەسى قولعا الىندى. زيات­كەرلىك مەكتەپتە جان-جاقتى جابدىقتالعان 45 وقۋ كابينەتتەرى, 2 باسسەين, 2 اسحانا, سپورت زالى مەن شىنىعۋ الاڭى, تاعى باسقا شاكىرت­تەردىڭ سالاماتتى ءومىر سالتىن قا­لىپتاستىرۋىنا قاجەتتىلىكتەر تو­لىق قاراستىرىلعان. وقۋ كابينەت­تە­رى ينتەراكتيۆتى تاقتالارمەن جاب­دىقتالسا, مەكتەپ جانىنان 90 ورىنعا لايىقتالعان بالاباقشادا 3-6 جاس ارالىعىنداعى ءبۇلدىر­شىن­دەر قازاق, ورىس, اعىلشىن تىلدە­رىندە ءتىل سىندىراتىن بولادى. ءۇش تۇعىرلى ءتىل ماسەلەسى وڭىردە وسىلاي جۇزەگە اسىرىلماق. اتالعان مەكتەپكە جاڭا وقۋ جى­لىن­دا 600 وقۋشى قابىلدانادى دەپ جوسپارلانسا, العاشقى كەزدەگى ىرىك­تەۋدەن 490 بالا وتكەن. قالعانى 10 تامىزداعى ىرىكتەۋ بارىسىندا قا­بىل­دانباقشى. سونىمەن قاتار, ءبىلىم شاڭىراعىنداعى 1-6 سىنىپ ارالىعىندا وقيتىنداردىڭ جىلدىق تولەمى دە بەلگىلەنگەن. ال جەتىنشى سى­نىپتان جوعارى پرەزيدەنت گران­تىمەن وقىتۋ جالعاستىرىلادى. دەسەك تە, 240 بالانىڭ گرانتقا يە بولۋ مۇمكىندىگى بار. ەگەمەن ەلىمىزدىڭ ەرتەڭى ءۇشىن باسەكەگە قابىلەتتى ماماندار دايىندايتىن ءبىلىم شاڭىراعىندا ماتەماتيكا مەن فيزيكا پاندەرى تەرەڭدەتىلىپ وقى­تىلماقشى. سوندىقتان دا مۇندا وڭىردەگى ىرىكتەۋدەن وتكەن ەڭ ءبىلىمدى, تاجىريبەلى مۇعالىمدەر ساباق بەرەتىن بولادى. قۇرىلىسشىلار ەندى قىسقا مەر­زىمدە پايدالانۋعا بەرىلەتىن نىسانداعى قۇرىلىس جۇمىستارىن ساپالى جۇرگىزۋگە دەن قويعان. ال, قالانىڭ وڭتۇستىگىندەگى 8 گەكتار اۋ­ماقتاعى cپورت سارايىنىڭ قۇرى­لىسىنا 3 ملرد. تەڭگەدەن استام قار­جى قاراستىرىلىپتى. اسەم سارايدا سپورتتىڭ بىرنەشە تۇرىنەن جارىس وتكىزىلەتىن بولسا, سپورتشىلاردىڭ دەنساۋلىعىن شىنىقتىراتىن توپ­تاردىڭ جاتتىعۋىنا ارنالعان قۇرىل­عىلار جانە عيماراتتىڭ استىڭعى قاباتىندا اۆتوتۇراق, تەحنيكالىق عيمارات, كافە, نىسانا كوزدەيتىن تير ورنالاستىرىلعان. سونداي-اق, ميني-فۋتبول مەن باسكەتبولعا ار­نالعان سپورتتىق ارەنا, كورەرمەن­دەرگە ارنالعان تريبۋنا, باسسەين, قوناق ءۇي دە جۇرتشىلىققا قىزمەت ەتپەك. ەكىنشى قاباتتا امبەباپ زال, حولل, سامبو, دزيۋدو, تاەكۆوندو, بوكس, ەركىن كلاسسيكالىق كۇرەس, سپورتتىق بي زالى مەن مۇراجاي, ءۇشىن­شى قاباتتا ءباسپاسوز ورتالىعى مەن باسقا دا ورىندار, ءتورتىنشى قا­باتتا زالداردى تەحنيكالىق جارىق­تاندىرۋ قۇرىلعىلارى ورنالاستى­رىلىپتى. وبلىس اكىمى سەرىك ۇمبەتوۆ cپورت سارايىنىڭ الدىندا جىر الىبى جامبىلدىڭ ۇلى ۇستازى ءسۇيىنباي ارون ۇلىنىڭ ەسكەرتكىشى بوي كوتەرەتىنىن جەتكىزدى. تالدىقور­­عاننىڭ كوركىنە جاڭا ءار بەرەتىن قوس عيماراتتاعى سوڭعى جۇمىس­تار­دىڭ تياناعىن كەلتىرگەن قۇرىلىس­شىلار ەڭبەگى قارقىندى.

قاراعاندى وبلىسىنان — ايقىن  نەسىپباي:

— قازىر ەل ءىشى جاققا جول ءتۇسىپ جۇرگەندە الدىمەن نازار اۋدارىلا­تى­نى مەكتەپتەردىڭ قىسقا ازىرلىك, جوندەۋ جۇمىستارىنىڭ جاي-كۇيى. اۋىلدارداعى قاربالاس شارۋا ءىشى­نەن انادايدان كوزگە شالىناتىنى دا وسى. ءار ەلدى مەكەننىڭ ورتا تۇ­سىن­داعى ەڭسەلەۋ عيمارات اينالا­سىندا قىبىرلاعان ادام, قوزعالعان تەحنيكا كورىنسە, جۇرتتىڭ نەگە جۇمىلىپ جاتقانى بىلىنە قالادى. جاڭاارقا اۋدانىنىڭ بايدالى بي اۋىلىنا اتباسى بۇرىلعاندا اڭداعانىمىزداي, مەكتەپ كەيپىن كەلبەتتەندىرۋ ۇستىنەن شىقتىق. قۇرىلىسشىلار قيمىلىنا باس-كوز بولىپ تۇرعاندار اراسىندا جەر­گىلىكتى اكىم تالعات ءابدۋوۆ تە, ءبىلىم ۇياسى ديرەكتورى جانكەلدى سەمبين دە بار ەكەن. بىردەن ءىس بارىسىنا قۇلاق ءتۇرىلدى. بۇل ءوزى كەشەگى وتپەلى كەزەڭنىڭ الدىندا عانا سالىنعان, 730 وقۋ­شىعا ارنالعان مەكتەپ كورىنەدى. سول كەزدە دە وسىنشا شاكىرتكە تول­ماسا, بۇگىندە 167 جەتكىنشەككە ىقشامدالۋىنا تۋرا كەلگەن. سوعان بايلانىستى ءۇشىنشى قاباتى جابى­لىپ, ساباقتار ەكى قاباتىندا ءجۇر­گىزىلۋگە ىڭعايلانىپتى. ءبىرىن­شى­سىندە جوندەۋ ءبىتىپ, ەكىنشىسى دە جا­ڭارعان قالىپقا ەنىپ قالىپتى. ەدەن­دەرى الماستىرىلىپ, ەسىك-تەرە­زەلەرى قايتادان ورناتىلعان, قابىر­عالارى ادەمى ارلەنگەن. ەندى از كۇن­دە مۇعالىمدەر, اتا-انالار, وقۋشى­لار كوزايىمىنا اينالماقتىعى بايقالدى. — وقۋ جىلى اياقتالىسىمەن ىسكە كىرىسىپ كەتكەن ەدىك. سىرتتان ءبىرلى-ەكىلى شەبەر مامان كومەككە شا­قى­رىل­ماعانى بولماسا, جوندەۋ جۇ­مىس­تارىنا قامتىلعاندار نەگىزىنەن ءوز اۋىلداستارىمىز. بۇرىن بىلمەي كە­لىپپىز, التىن قولدى ىسمەرلەر ءبىز­دە دە از ەمەستىگىنە كوزىمىز جەتتى,–دەپ مەكتەپ ديرەكتورى ريزالىق ءبىلدىرىپ, جەرگىلىكتى قۇرىلىسشىلار ەڭبەگى ايتسا ايتارلىقتاي ەكەنىنە ساپالى جوندەۋ ايعاق كورىنگەن. وسى ايماقتىڭ بيدايىق اۋى­لىن­داعى مەكتەپ تە تانىعىسىزداي ءوز­گەرىسكە تاياپتى. اۋدان اكىمىنىڭ ورىن­باسارى مارات جانداۋلەتوۆ سوندا دا سىناي كوز تىگىپ, كەيبىر كەمىستىكتەردى قالت جىبەرمەيدى. ونىڭ نازارىنا كومىر ۇيىلەتىن ورىننىڭ قورشالماي قالعانىنا شەيىن ىلىگىپ, دەرەۋ قورشاۋ ورناتۋ ەسكەرتىلۋىنەن بۇل ىستە ۇساق-تۇيەك جوقتىعى سەزىلدى. سوعان تاعى ءبىر مىسال رەتىندە بيدايىقتان ءبىر شاقىرىمعا جەتەر-جەتپەس جەردەگى رازەزد باسىنان باستاۋىش مەكتەپتىڭ سالىنۋى بولىپ تابىلادى. ويتكەنى, مۇنداعى بالالاردىڭ اسىرەسە, كۇز-قىس ايلارىندا ورتالىقتاعى ءبىلىم وشاعىنا جاياۋ-جالپىلاپ كەلىپ وقۋى اۋىر سوعىپ كەلگەن ەدى. ولار بۇدان بىلاي قاراي ۇيلەرىنىڭ ءدال ىرگەسىندەگى مەكتەپتە وقي الادى. ءبىز وبلىستىق ءبىلىم دەپارتا­مەنتىنەن جاڭا وقۋ جىلىنا اۋدان­دار دايىندىعىن بىلگەنىمىزدە جاڭا­ار­قا ءوڭىرى الدىڭعىلار قاتا­رىن­دا اتالۋى جوعارىدا ايتىلعان­دى راستاي ءتۇستى. اۋدان مەكتەپتەرى ءبارى وقۋ بۇگىن باستالسا دا ەسىك اشۋعا ءازىر ەكەن. جالپى, وبلىس بويىنشا “جول كارتاسى” باعدارلاماسى اياسىندا جاز ماۋسىمىندا 158 ءبىلىم بەرۋ نىسانى جوندەۋگە قامتىلىپ, سول ءۇشىن 2 ملرد. تەڭگەدەن استام قارجى بولىنگەن. ونىڭ كەشەگى كۇنگە دەيىن 73 پايىزى يگەرىلسە, قالعان ۋاقىتتا تولىقتاي جاراتىلۋى ىسكە اسپاق. سونىمەن قاتار ءوز تاراپىمىز­دان اتا-انالاردىڭ بۇل رەتتەگى وي-پىكىرلەرىن ءبىلۋدى دە ەسكەرگەن ەدىك. سويلەسىلگەندەردىڭ ءبىرازى جىل سايىن مەكتەپتەردىڭ وقۋ جىلىنا دايىندىعى جاقسارىپ كەلە جاتقان­دىعىن, بۇعان الاڭداۋشىلىقتارى ازدىعىن ايتا كەلىپ, ەڭ قيىنى وقۋ قۇرالدارىنىڭ وڭايلىقپەن قولعا تۇسىرتپەيتىندىگى قينايتىندىعىنا وكپە-رەنىشتەرىن سەزدىردى. مەك­تەپ­تىك ۇلگىدەگى كيىمدەر ساتىپ الۋ دا جەڭىل ەمەس دەلىندى. بۇل اسىرەسە, الىس­تاعى ۇلىتاۋ, اقتوعاي اۋدان­دارى تۇرعىندارى الدىنان جىلما-جىل شىعاتىن ماسەلە كورىنەدى. كوپ بالالى وتباسىلاردىڭ جيىرەك ۇشىراساتىنى دا وسى جاقتار. ولاردىڭ ءبىر شاڭىراقتان مەكتەپكە باراتىن ءتورت-بەس بالاعا قىمباتقا بىرنەشە كىتاپ, كيىم ساتىپ الىپ بەرۋگە جاعدايلارى جەتىمسىز. وسىعان بايلانىستى قاراستىرىلعان جەڭىل­دىك شارالاردىڭ بار-جوعىن بىلە المادىق. ولاي بولماعاننىڭ وزىندە اۋىل-اۋىلداردا وقۋلىقتار, مەكتەپتىك كيىمدەر جارمەڭكەسىن وتكىزۋدى ويلاستىرۋعا بولار ەدى عوي. وقۋ جىلىنا دايىندىقتا ەشنارسە ۇمىتىلماۋى كەرەك-اق قازىر. وندا ۇساق ماسەلە جوق.

قىزىلوردادان — ەركىن ءابىل:

— جاڭا وقۋ جىلىنىڭ باستالۋىنا ساناۋلى – اق كۇندەر قالدى. سودان دا وبلىستىق ءبىلىم باسقارماسىنىڭ باستىعى جاڭىل الپامىسقىزى جونتاەۆاعا “سىر ايماعىنداعى ءبىلىم  وردالارىنىڭ جاڭا وقۋ جىلىنا ازىرلىگى قالاي؟” دەگەن ساۋال تاستاعان ەدىك. – اڭگىمەمدى وتكەن وقۋ جىلى قول جەتكىزگەن ازىن-اۋلىق جەتىس­تىك­تەردەن باستاسام دەيمىن. اعىمداعى جىلعى 15-21 ءساۋىر ارالىعىندا جالپى ءبىلىم بەرەتىن پاندەر بوي­ىنشا قىزىلوردا قالاسىندا ءبىرىن­شى  رەت رەسپۋبليكالىق وليمپيادا وتكىزىلدى. وليمپياداعا ەلىمىزدىڭ بارلىق ايماقتارىنان جۇزدەن وزعان جۇيرىكتەر قاتىسىپ, سىربويىلىق 12 وقۋشى جۇلدەلى ورىنداردى يە­لەن­دى. ال بيىلعى جىلى  6933 مەك­تەپ ءبىتىرۋشىنىڭ 5069-ى ۇبت تاپ­سىرۋعا قاتىسىپ, وبلىس بويىنشا ورتاشا ءبىلىم كورسەتكىشى 88,7 بالدى قۇراۋى زور جەتىستىك بولسا, “التىن بەلگىگە” ۇسىنىلعان ۇمىتكەرلەردىڭ 130-ى, ياعني 71,8 پايىزى يەلەندى. ايماقتاعى ءبىلىم مەكەمەلەرىنىڭ 2010-2011 وقۋ جىلىنا ازىرلىگى سا­قاداي-ساي دەسەم, اسىرا ايتقان­دى­عىم بولار. نەگە دەيسىز عوي؟ ءبىلىم سالاسىندا بىزدە عانا ەمەس, ەلى­مىزدىڭ وزگە دە ايماقتارىندا كۇر­مەۋى قيىن كۇردەلى ماسەلەلەر جوق ەمەس. وزدەرىڭىزگە ءمالىم, ەلباسى­مىزدىڭ “جاڭا ون جىلدىق – جاڭا ەكو­نوميكالىق ورلەۋ – قازاقستاننىڭ جاڭا ءمۇم­كىن­دىكتەرى” اتتى قازاقستان حالقىنا جولداۋىندا, سونداي-اق قر ءبىلىم بەرۋدى دامىتۋدىڭ 2005-2010 جىلدارعا ارنالعان مەملەكەت­تىك باعدارلاماسى اياسىندا ايقىن­دالعان مىندەتتەردى ىسكە اسىرۋ جەڭىل جۇك بولماسا كەرەك. بۇگىنگى تاڭدا ءبىلىم بەرۋ وتاۋ­لا­رىن اقپاراتتاندىرۋ, جاڭا تەحنو­لو­گيالاردى ەندىرۋ وزەكتى ماسەلە­لەردىڭ ءبىرى بولعاندىقتان, بۇل با­عىتتا ايماقتا ۇلكەن ىلگەرىلەۋشى­لىك­تەر بار. ءبىلىم وشاقتارىن كوم­پيۋ­تەرمەن جابدىقتاۋ, ينتەرنەتكە قوسۋ, وزىق تەحنيكالار مەن تەحنو­لو­گيالاردى پايدالانۋ ءبىلىم بەرۋ سالاسى جۇمىستارىنىڭ باسىم باعىتتارى بولىپ ەسەپتەلەدى. وبلىس ايماعىنداعى 289 مەكتەپتە 8363 كومپيۋتەر ورناتىلعان. ەگەر 2006 جىلى ءبىر كومپيۋتەرگە شاققاندا 37 وقۋشىدان بولسا, 2010 جىلى 15 وقۋشىدان كەلىپ وتىر. سونداي-اق مەكتەپتەردى مۋلتيمەديالىق كابي­نەتتەرمەن جابدىقتاۋ 2005 جىلى باستاۋ الىپ, بۇگىندە 207 مۋلتي­مەديالىق كابينەتپەن جالپى ءبىلىم بەرەتىن ورتا مەكتەپتەردىڭ 71,6 پايىزى قامتاماسىز ەتىلىپ وتىر. 2007 جىلدىڭ قىركۇيەك ايىن­داعى ەلباسىنىڭ قاتىسۋىمەن وتكىزىلگەن ينتەراكتيۆتى ساباقتىڭ ۇيىمداستىرىلۋىنا وراي وبلىس مەكتەپتەرىنىڭ 93 پايىزى, ياعني 269 مەكتەپ ينتەراكتيۆتى تاقتامەن جاب­دىقتالدى. سونداي-اق قازىرگى ۋاقىت­تا ايماقتاعى مەكتەپتەردىڭ 94,8 پايىزى ينتەرنەتكە قوسىلسا, وسى­لاردىڭ دەنى كەڭ جولاقتى ينتەرنەت جەلىسىنە قوسىلعان. ەلباسىمىزدىڭ ەلىمىزدە وقۋ تەلەديدارىن قۇرۋ قا­جەتتىگىن باسا ايتۋىنا بايلانىستى وبلىستىق تەلەارنالار ارقىلى “قاشىقتىقتان وقىتۋ” باعدارلا­ما­سى بويىنشا وقۋ ساعاتتارى وتكىزىل­مەك. ءسوز وراي كەلگەندە ايتا كە­تەيىن, مەكتەپتەرگە “اقپاراتتىق كيوسك” باعدارلامالارى جاساق­تا­لىپ, اتا-انالار مەكتەپتەگى وقۋ­شى­لار ۇلگەرىمى جونىندەگى اقپارات­تارعا دەر كەزىندە قول جەتكىزىپ وتىر. قازىرگى تاڭدا سىر ايماعىندا 25 ءبىلىم ورداسىنىڭ قۇرىلىسى قار­قىن­دى جۇرگىزىلۋدە بولسا, سونىڭ 14-ءى جاڭا وقۋ جىلىندا پايدا­لا­نۋ­عا بەرىلىپ, 1 قىركۇيەك كۇنى ءبۇل­دىر­شىندەرگە ەسىكتەرىن  ايقارا اش­پاق. “جول كارتاسى” باعدارلاما­سى­نا سايكەس بيۋدجەتتەن 730807,0 مىڭ تەڭگە قارجى ءبولىنىپ, 26 ءبىلىم وشاعى كۇردەلى جوندەۋدەن وتكىزىلدى. ال, وقۋلىقتار ساتىپ الۋعا 243805,0 مىڭ تەڭگە قارجى قارالىپ, تاسىمالداۋ جۇمىستارى اياقتالۋعا تاياۋ. بۇگىندە وسىعان بايلانىستى كۇندەلىكتى “مەكتەپ جارمەڭكەلەرى” وتكىزىلۋدە. ۇكىمەتتىڭ “بالالاردى مەكتەپكە دەيىنگى تاربيەمەن جانە وقىتۋمەن قامتاماسىز ەتۋ جونىندەگى 2010-2011 جىلدارعا ارنالعان “بالاپان” باعدارلاماسىن”  جۇزەگە اسىرۋدا دا جۇيەلى جۇمىستار جۇرگىزىلۋدە. ءبۇ­گىندە وبلىسىمىزدا 164 بالاباقشا جۇمىس جاساپ جاتىرسا, اعىمداعى جىلدىڭ ءبىرىنشى جارتىجىلدى­عىن­دا 570 ورىندىق 12 بالاباقشا پاي­دالانۋعا بەرىلدى. ال, شىلدە ايىنان بەرى 330 ورىندىق 9 جەكە بالاباق­شا اشىلدى. جىل ەرەكشەلىگىنىڭ ءبىرى – جاڭا وقۋ جىلىندا 9 بلوك­تان تۇراتىن جاڭاقورعان اۋدانىندا 300 ورىندىق جاڭا لاگەر اشىلماق. بيىلعى تاعى ءبىر ەرەكشەلىك, اۋدان­دىق, قالالىق تامىز كەڭەستەرىمەن قاتار اۋدانداردا ءتۇرلى باسقوسۋلار ۇيىمداستىرىلماق. بيىلعى وقۋ جىلىندا ء“وزىن-ءوزى تانۋ” ءپانى بارلىق ءبىلىم بەرۋ ۇيىمدارىندا جۇرگىزىلمەك. وسىعان وراي, “وقۋ-تاربيە بەرۋ جۇيەسىنە ء“وزىن-ءوزى تانۋ” كۋرسىنىڭ يدەيا­لارىن ەنگىزۋ” تاقىرىبىندا ء“وزىن-ءوزى تانۋ” ءپانى مۇعالىمدەرىنىڭ قاتىسۋىمەن وبلىستىق ينتەرنەت-پەدكەڭەس وتكىزبەكپىز. سونىمەن قاتار, “قازاقستان رەسپۋبليكاسىندا تەحنيكالىق جانە كاسىپتىك ءبىلىم بەرۋدى دامىتۋدىڭ 2008 – 2012 جىلدارعا ارنالعان مەم­لەكەتتىك باعدارلاماسى” اياسىن­دا كاسىپتىك ءبىلىم بەرۋدىڭ ايماقتىق ۇلگىسىن دامىتۋ” تەحنيكالىق جانە كاسىپتىك ءبىلىم بەرەتىن وقۋ ورىن­دا­رى پەداگوگ قىزمەتكەرلەرىنىڭ تامىز كەڭەسى دە وتكىزىلەدى.