الەۋمەتتىك جەلىلەردە ء«ساتسىز ەكپەلەردەن» كەيىن قازاقستاندا قىزىلشاعا قارسى ۆاكتسيناتسيا ناۋقانى توقتاتىلدى دەگەن اقپارات تارادى. الايدا بۇل مالىمەت شىندىققا سايكەس كەلمەيدى, دەپ حابارلايدى Egemen.kz.
دەنساۋلىق ساقتاۋ سالاسىنىڭ ماماندارىنىڭ حابارلاۋىنشا, ەلدەگى ەپيدەميولوگيالىق جاعداي باقىلاۋدا. قىزىلشاعا قارسى ۆاكتسيناتسيا ۇلتتىق پروفيلاكتيكالىق ەگۋ كۇنتىزبەسىنە سايكەس بارلىق وڭىردە جوسپارلى تۇردە جۇرگىزىلىپ جاتىر.
«ەلىمىزدە قىزىلشانىڭ الدىن الۋ ءۇشىن قىزىلشاعا, قىزامىققا جانە ەپيدەميالىق پاروتيتكە قارسى بىرىكتىرىلگەن ۆاكتسينا قولدانىلادى. بۇل ۆاكتسينا 10 جىلدان استام ۋاقىت بويى 1 جاس جانە 6 جاستاعى بالالارعا جوسپارلى يممۋنداۋ اياسىندا سالىنىپ كەلەدى. مامانداردىڭ ايتۋىنشا, پرەپارات ءوزىن قاۋىپسىز ءارى ءتيىمدى قۇرال رەتىندە دالەلدەگەن. سونىمەن قاتار اتالعان ۆاكتسينا الەمنىڭ كوپتەگەن ەلىندە كەڭىنەن پايدالانىلادى», دەلىنگەن ۆەدومستۆو حابارلاماسىندا.
ەندى قىزىلشاعا قارسى ۆاكتسينا مىندەتتى: استانا اۋرۋحانالارىنا بالا قابىلداۋ ەرەجەسى وزگەردى
ۆاكتسينا ءوندىرىسى دۇنيەجۇزىلىك دەنساۋلىق ساقتاۋ ۇيىمى تاراپىنان سەرتيفيكاتتالعان. بۇل ونىڭ حالىقارالىق ساپا, قاۋىپسىزدىك جانە تيىمدىلىك ستاندارتتارىنا ساي ەكەنىن راستايدى.
قازىرگى تاڭدا قازاقستاندا وسى ۆاكتسينانى قولدانۋعا بايلانىستى ەرەكشە اسقىنۋلار نەمەسە ادەتتەن تىس رەاكتسيالار تىركەلمەگەن.
ماماندار تۇرعىنداردى تەك رەسمي اقپارات كوزدەرىنە سەنۋگە جانە جالعان مالىمەتتەرگە ەرمەۋگە شاقىرادى.
قازاقستاندا ۆاكتسينا الۋدان باس تارتقاندار سانى 3,8 ەسەگە ءوستى