ينفراقۇرىلىم: دەرەك پەن دايەك

بيىلعى جىلدىڭ قاڭتار-ماۋ­سىمىندا وڭىردەگى ونەركاسىپ, كا­سىپورىندار مەن شاعىن جانە  قو­سالقى ءوندىرىس سالاسىنداعى جۇ­مىستاردىڭ ناتيجەسى قورى­تىن­دىلاندى. وتكەن جىلمەن سا­لىستىرعاندا, جۇمىس اۋقىمى ەداۋىر وسكەنىن بايقاۋعا بولادى. وسىلايشا بولشەك تاۋار اينا­لى­مىنىڭ كولەمى بىلتىرعى جىل­دىڭ سايكەس مەرزىمىمەن سا­لىستىرعاندا 28,7 پايىزدى قۇ­راپ, تۇتىنۋشى تالابى مەن تال­عا­مىن زەرتتەۋدە وڭ وزگەرىستەرگە قول جەتكىزىلگەن. وبلىستا بيىلعى 1 شىلدەگە 15958 شارۋاشىلىق سۋبەكتىلەرى تىر­كەلگەن. ورتاشا اقشالاي تابىس 58581 تەڭ­گەنى قۇرادى, بۇل الەۋمەتتىك جاع­داي­دىڭ ۋاقىت وتكەن سايىن جاقسار­عا­نىن بىلدىرەدى. وبلىستىڭ الەۋمەتتىك-ەكونوميكالىق دامۋى ونەركاسىپ ءوندىرىسىنىڭ ءوسۋ قارقىنىمەن ولشە­نە­تىنى انىق. سالاداعى ءوندىرىس كولە­مىن قولدانىستاعى باعامەن ەسەپ­تەگەندە 149,5 ملرد. تەڭگەنى قۇرادى.

كۇمىسجان بايجان. الماتى وبلىسى.     

11 000 370 000 وڭتۇستىكتە جول-كولىك ينفراقۇرىلىمىن جاقسارتۋعا وسىنشا قارجى جۇمسالۋدا. وڭتۇستىكتىڭ جولدارى ويدىم-ويدىم بولىپ, كولىك يەلەرى وي­بايعا باسىپ جاتاتىن ۋاقىتتارى كەيىنگە سىرعىپ بارادى. كاسىپ­كەر­لەردىڭ دە قولى ۇزارىپ قالدى. اسفالتقا قاجەت كەرەك-جا­راقتاردى تۇگەلدەي وزدەرى دايىن­دايدى. وبلىستىق ىسكەرلەر اراسىنداعى نازىك جاندى­لار­دان جالعىز وكىل – راشكۇل وسپان­ا­ليە­ۆا­نىڭ ەكى اسفالت زاۋىتى تۇركىستان جانە سارىاعاش باعىتىن­داعى جولداردا وت سالعان ساماۋرىن­داي ءتۇتىنى بۋداقتاپ جۇمىس ىستەپ تۇر. وبلىستا جاڭادان بەس كوپىر پايدا­لانۋعا بەرىلەدى. سونىڭ بىرە­گەيى – تۇركىستان قالاسى بال­تا­كول اۋى­لىن­داعى سىرداريا ۇستىنەن كەسىپ وتەتىن كوپىر. داريانىڭ ارعى بەتىندەگى اۋىل ءۇشىن بۇعان دەيىن تالاي رەت كوپىر سالىنعان. قالقىما كوپىردى كوكتەمگى ىرعىن سۋ ج ۇلىپ كەتتى, كاتەر سۇيرەگەن پارومدا ادام شىعىنى دا بولىپ جاتاتىن. ەندى جاڭا كوپىرگە وبلىستىق بيۋد­جەتتەن 1 ملرد. تەڭگەگە جۋىق قارجى قاراستىرىلىپ وتىر.

باقتيار تايجان. شىمكەنت.

145 ورال وڭىرىندە “تازا سۋ” باعدارلاماسىنا سايكەس وسىنشاما ەلدى مەكەن اۋىز سۋمەن قامتىلماق. باتىس قازاقستان وبلىسىندا 2011-2015 جىلدارعا ارنالعان اتال­مىش باعدارلامانىڭ اۋقى­مى كەڭ. ءوز اتاۋىنان كورىنىپ تۇرعانىنداي ول ءبىرىنشى كەزەكتە تۇرعىنداردى اۋىز سۋمەن قامتۋ ماقساتىن كوزدەيدى. وعان قاجەتتى قاراجات رەسپۋب­لي­كالىق جانە جەر­گىلىكتى بيۋدجەتتەردەن بولىنبەك. تاقىرىپتا اتاپ كورسەتىل­گەن­دەي “تازا سۋ” باعدارلاماسى 108 مىڭ ادام تۇراتىن 145 ەلدى مە­كەن­دى اۋىز سۋمەن قامتۋعا العى­شارت جاسايدى. بۇل وبلىس كو­لە­مىندەگى ەلدى مەكەن تۇرعىندارى­نىڭ 30 پايىزعا جۋىعىن قۇراي­دى. مۇنىڭ ءوزى وسىنشاما ادام ورتالىقتاندىرىلعان اۋىز سۋدى تۇتىنۋعا مۇمكىندىك الادى دەگەن ءسوز.

تەمىر قۇسايىن. باتىس قازاقستان وبلىسى.