بيىل قازاقستاندا پەرسپەكتيۆالىق 20-دان استام مۇناي جانە گاز ۋچاسكەسى اۋكتسيونعا شىعارىلماق. بۇل تۋرالى وكق بريفينگىندە قازاقستاننىڭ مپس گەولوگيا كوميتەتىنىڭ توراعاسى مىندەتىن اتقارۋشى قانات ەرۋباەۆ حابارلادى, دەپ جازادى Egemen.kz.
«بۇل ۋچاسكەلەر وتكەن جىلى ارال باسسەينىندە جۇرگىزىلگەن جۇمىستار ناتيجەسىندە انىقتالدى», دەدى قانات ەرۋباەۆ.
گەولوگيالىق زەرتتەۋلەر تەرەڭ قابات قۇرىلىمىن ناقتىلاپ, جاڭا قۇرىلىمدىق ەلەمەنتتەردى ءبولىپ كورسەتۋگە جانە بولجامدى كومىرسۋتەك رەسۋرستارىن باعالاۋعا مۇمكىندىك بەردى.
«جۇرگىزىلگەن زەرتتەۋلەر ناتيجەسىندە مۇناي جانە گازعا ارنالعان 20-دان استام پەرسپەكتيۆالىق ۋچاسكە انىقتالدى. بيىل ەنەرگەتيكا مينيسترلىگى وسى نىساندار بويىنشا جەر قويناۋىن پايدالانۋ قۇقىعىن بەرۋ ءۇشىن اۋكتسيوندار وتكىزۋدى جوسپارلاپ وتىر», دەدى ول.
مۇناي-گاز ونەركاسىبى زاماناۋي ۇردىستەرگە ساي بولۋى كەرەك
جاڭا گەولوگيالىق جوبالار2026 جىلى قازاقستاندا از زەرتتەلگەن شوگىندى باسسەيندەردە جاڭا گەولوگيالىق بارلاۋ جوباسى باستالادى. 2025 جىلعى مەملەكەتتىك گەولوگيالىق بارلاۋ قورىتىندىسى بويىنشا ەلىمىزدە 29 پەرسپەكتيۆالىق ۋچاسكە انىقتالعان. ولاردا التىن, مىس, قورعاسىن, مىرىش جانە باسقا دا پايدالى قازبالار بار بولۋى مۇمكىن.
«بۇرىن گەولوگيالىق بارلاۋ 1:200 000 ماسشتابىندا جۇرگىزىلەتىن, بۇل جالپى باعالاۋدى بەرەتىن. قازىر ءبىز 1:50 000 ماسشتابىندا ەگجەي-تەگجەيلى كارتالاۋ جۇرگىزۋگە كوشتىك, بۇل حالىقارالىق ستاندارتتار مەن ءىرى ينۆەستورلاردىڭ تالاپتارىنا سايكەس كەلەدى», دەدى كوميتەت باسشىسى.
گەولوگيالىق زەرتتەۋلەردى كەڭەيتۋ جانە ينۆەستيتسيا ينفراقۇرىلىمىمەملەكەتتىك باعدارلاما شەڭبەرىندە جەر قويناۋىن زەرتتەۋ اۋماعى 2,2 ملن شارشى شاقىرىمعا دەيىن ۇلعايتىلماق. وتكەن جىلى 100 مىڭ شارشى شاقىرىمعا ەگجەي-تەگجەيلى ءتۇسىرۋ جوبالارى دايىندالدى, بۇل عىلىمي قوعامداستىق, سونىڭ ىشىندە قانىش ساتپاەۆ اتىنداعى گەولوگيالىق عىلىمدار ينستيتۋتى قاتىسۋىمەن جاسالعان.
«مەملەكەت گەولوگيالىق بارلاۋدا زاماناۋي ينۆەستيتسيالىق ينفراقۇرىلىم قۇرۋعا نيەتتى. كەلەسى ءۇش جىلعا مەملەكەتتىك گەولوگيالىق زەرتتەۋ جوبالارىنا شامامەن 240 ملرد تەڭگە قاراستىرىلعان. سونىمەن قاتار, زاڭنامالىق تۇردە اۋكتسيوندار مەن كەلىسىم بونۋسىنىڭ 50%-ى گەولوگيانى جانە گەولوگيالىق ينفراقۇرىلىمدى دامىتۋعا باعىتتالۋى بەكىتىلگەن», دەدى قانات ەرۋباەۆ.
قازاقستاندا مۇناي-گاز حيمياسى ونىمدەرىنىڭ ءوندىرىسى 12%-عا ارتقان
حالىقارالىق ينۆەستيتسيالار مەن تەحنولوگيالىق جاڭالىقتار2025 جىلى الەمدەگى ەڭ ءىرى كانادالىق تاۋ-كەن كومپانيالارىنىڭ ءبىرى Ivanhoe شۋ-سارىسۋ شوگىندى باسسەينىندە پەرسپەكتيۆالىق جوباسىن باستادى. بۇل جوبانىڭ ەرەكشەلىگى – ءداستۇرلى ءىرى مىس-پورفير كەن ورىندارى قازاقستاننىڭ شوگىندى باسسەيندەرىندە كەزدەسپەيدى.
بۇل قادام قازاقستانداعى گەولوگيالىق بارلاۋ مەن مۇناي-گاز سالاسىنداعى ينۆەستيتسيالىق مۇمكىندىكتەردى كەڭەيتىپ, ەلدىڭ ەنەرگەتيكالىق جانە ەكونوميكالىق الەۋەتىن ارتتىرۋعا باعىتتالعان ماڭىزدى باستاما بولىپ وتىر.
مۇناي-گاز سالاسىنداعى ىنتىماقتاستىق