بۇگىن تۇركىستان وبلىسى «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» وڭىرلىك كواليتسياسى قۇرىلدى. بۇل كونستيتۋتسيالىق رەفورمالاردى قولداۋ جانە حالىققا كەڭىنەن ءتۇسىندىرۋ باعىتىنداعى جۇيەلى جۇمىستىڭ ماڭىزدى كەزەڭى, دەپ حابارلايدى Egemen.kz.
وڭىرلىك كواليتسيا قۇرامىنا 5 ساياسي پارتيانىڭ وبلىستىق فيليالدارى, بەدەلدى قوعام قايراتكەرلەرى, تاجىريبەلى زاڭگەرلەر, ءماسليحات دەپۋتاتتارى, عىلىمي جانە شىعارماشىلىق زيالى قاۋىم وكىلدەرى, ساراپشىلار ەندى. قۇرامعا ەنگەن 457 ادام بارلىق اۋدان قالالاردا, حالىقتىڭ بارلىق ساناتىمەن 1959 كەزدەسۋلەر وتكىزىپ, كونستيتۋتسيالىق رەفورمالار اياسىنداعى جاڭا قۇقىقتىق نورمالاردى تۇسىندىرەدى»
وبلىستا 1 ميلليون 195 مىڭنان استام سايلاۋشى تىركەلگەن. الداعى رەفەرەندۋمدى قولداۋ جانە ۇيلەستىرۋ ماقساتىندا پارتيا فيليالدارى جانىنان 18 وڭىرلىك كواليتسيا قۇرىلعان. قۇرامىنا «AMANAT», «اۋىل», «اق جول», «قازاقستان حالىقتىق پارتياسى» جانە «Respublica» پارتيالارىنىڭ وكىلدەرى ەندى.
الماتىدا حالىقتىق كونستيتۋتسيانى قولدايتىن قالالىق كواليتسيانىڭ العاشقى وتىرىسى وتەدى
جيىندى اشقان «AMANAT» پارتياسى تۇركىستان وبلىستىق فيليالىنىڭ توراعاسى, وبلىستىق ماسليحاتتاعى پارتيالىق فراكتسيا جەتەكشىسى, وڭىرلىك كواليتسيا توراعاسىنىڭ ورىنباسارى التىنسارى ۇمبەتاليەۆ جالپىۇلتتىق كواليتسيانىڭ قۇرىلۋى قوعامدى ورتاق ماقسات جولىندا توپتاستىرۋدىڭ ايقىن كورىنىسى ەكەنىن جەتكىزدى.
«جاڭا كونستيتۋتسيا ەلدىڭ تۇراقتى دامۋىنا سەرپىن بەرەتىن ستراتەگيالىق قۇجات. وندا ازاماتتاردىڭ قۇقىقتارىن قورعاۋ, ادىلدىك قاعيداتتارىن ورنىقتىرۋ جانە مەملەكەتتىك باسقارۋ جۇيەسىن جەتىلدىرۋ كوزدەلگەن. ءبىزدىڭ مىندەت – وسى وزگەرىستەردىڭ ءمانىن حالىققا ناقتى ءارى تۇسىنىكتى جەتكىزۋ», دەدى التىنسارى دۇيسەنبەك ۇلى.
ودان سوڭ, «AMANAT» پارتياسى تۇركىستان وبلىستىق فيليالى اتقارۋشى حاتشىسىنىڭ ورىنباسارى, وڭىرلىك كواليتسيا توراعاسىنىڭ ورىنباسارى قالىيما جانتورەەۆا: «ەلوردادا ەلىمىزدىڭ جەتەكشى قوعامدىق-ساياسي كۇشتەرى جالپىۇلتتىق كواليتسيا اياسىندا بىرىككەنى – قوعامنىڭ جاڭا كونستيتۋتسياعا دەگەن جاۋاپكەرشىلىگىن كورسەتەدى. بۇل قۇجات تەك قۇقىقتىق رەفورما عانا ەمەس, ول مەملەكەت دامۋىنىڭ جاڭا ساپالىق كەزەڭىنە وتۋگە باعىتتالعان. زاڭ ۇستەمدىگى, ادىلدىك جانە ازاماتتاردىڭ قۇقىقتارىن قورعاۋ ونىڭ نەگىزگى تىرەكتەرى», دەپ اتاپ ءوتتى.
تۇركىستان وبلىستىق ءماسليحاتىنىڭ توراعاسى, وڭىرلىك كواليتسيا توراعاسىنىڭ ورىنباسارى, كونستيتۋتسيالىق رەفورما جونىندەگى كەڭەس مۇشەسى نۇرالى ءابىش جاڭا كونستيتۋتسيا جوباسىنىڭ ۇسىنىلۋى ەلدىڭ ساياسي جانە قۇقىقتىق دامۋىنىڭ جاڭا كەزەڭىن ايقىنداپ بەرگەنىن, بۇل تاريحي شەشىم ەكەنىن جەتكىزدى.
«رەفورمالاردىڭ مازمۇنىن حالىققا جان-جاقتى ءتۇسىندىرۋ الداعى ۋاقىتتا نەگىزگى جۇمىس بولعالى تۇر. ءار ازامات ونىڭ ماڭىزىن تەرەڭ ۇعىنۋى ءتيىس», دەپ اتاپ ءوتتى ول.
ودان سوڭ, شتاب مۇشەلەرى «قازاقستان حالىقتىق پارتياسى» تۇركىستان وبلىستىق فيليالى توراعاسىنىڭ ورىنباسارى يسكاك احمەتوۆ, حالىقارالىق تۋريزم جانە مەيماندوستىق ۋنيۆەرسيتەتىنىڭ پروفەسسورى ءسابيت بايماحانبەتوۆ بۇل رەفورمالار ۇزاق جىلدار بويى ءپىسىپ-جەتىلگەن قوعامدىق سۇرانىستىڭ ناتيجەسى, باسەكەگە قابىلەتتى, زاماناۋي مەملەكەت قۇرۋدىڭ نەگىزى ەكەنىنە توقتالدى.
كونستيتۋتسيا – كەمەل كەلەشەك كەپىلى
وڭىرلىك كواليتسيانىڭ قۇرىلۋى كونستيتۋتسيالىق رەفورمالاردى كەڭىنەن ناسيحاتتاۋ مەن ءتۇسىندىرۋدىڭ ءتيىمدى تەتىگى. الداعى كەزەڭدە كواليتسيا مۇشەلەرى حالىقپەن اشىق ديالوگ جۇرگىزىپ, جاڭا قۇقىقتىق نورمالاردىڭ ءمانى مەن مازمۇنىن جۇيەلى تۇردە ءتۇسىندىرۋ جۇمىستارىن جالعاستىرادى.
ەرلان قارين اتا زاڭنىڭ باستى ەرەكشەلىگىن اتادى