قىرعىزستاندا وتكەن دۇربەلەڭ جاعداي وزىمىزگە بەلگىلى. سول ءدۇربەلەڭنىڭ سالدارىنان ەلدەگى بەيبىت حالىق, سونىڭ ىشىندە قورعانسىز بالالار ءبىراز زارداپ شەكتى. وسىعان وراي قازاقستان قاقتىعىستا تەپەرىش تارتقان بالالاردىڭ ءبىر توبىن تىنىقتىرىپ قايتارۋ جونىندە باستاما كوتەرگەن بولاتىن. بۇل باستاما وزگە ەلدەر تاراپىنان دا كەڭىنەن قولداۋ تاپتى.
جاقىندا ءبىلىم جانە عىلىم مينيسترلىگى وسى باستامانى ءبىرىنشى بولىپ قولداپ, جۇزەگە اسىردى. سونىڭ ارقاسىندا قىرعىزستاننىڭ وش جانە جالالاباد قالالارىندا تۇراتىن 50 بالا شىلدەنىڭ 25-ىندە جامبىل وبلىسىنىڭ جۋالى جەرىنە كەلىپ جەتتى. كەلگەن بويدا قاراتاۋدىڭ ءبىر مۇيىسىندەگى تابيعاتى تاماشا “سامال” تىنىعۋ لاگەرىنە ورنالاسقان ولار بىردەن جان-جاقتى قامقورلىققا الىندى. جاستارى 7-دەن 15-كە دەيىنگى ارالىقتاعى بۇل بالدىرعاندار مۇندا تىنىعۋمەن بىرگە, ءۇش مەزگىل تاماقتانادى, ەرتەلى-كەش پسيحولوگ-دارىگەرلەردىڭ باقىلاۋىندا بولادى.
قىرعىزستاندىق بۇلدىرشىندەر مۇندا 12 كۇن بولادى.
“ەگەمەن-اقپارات”.