استانا. 12 ناۋرىز. قازاقستاندىق 5 جازۋشى ورىس تىلىندە جوعارى دەڭگەيدە جازىلعان شىعارمالار ءۇشىن رەسەي تاراپىنان بەرىلەتىن «ورىس سىيلىعىن» الۋعا ۇمىتتەنىپ وتىر. بۇل تۋرالى tengrinews.kz حابارلادى.
ايتا كەتەيىك, «ورىس سىيلىعى» 2002 جىلى تاعايىندالعان. ول – رەسەيدىڭ ادەبيەت سالاسىنداعى ەڭ تاڭداۋلى 5 ماراپاتتىڭ ءبىرى.
قازىرگى تاڭدا اتالمىش سىيلىقتى الۋعا قازاقستاندىق 5 جازۋشى نيەت بىلدىرۋدە. ولار –
پاۆەل باننيكوۆ (پوەزيا اتالىمى بويىنشا), زاير اسيم, ميحايل زەمسكوۆ, ءادىلحان ساحاريەۆ (شاعىن پروزا اتالىمى بويىنشا) جانە ماكسيم لاگنو (ۇلكەن پروزا اتالىمى بويىنشى).
«ورىس سىيلىعىنىڭ» بيىلعى يەگەرلەرى ۇستىمىزدەگى جىلدىڭ 31 ناۋرىزىندا بەلگىلى بولادى دەپ كۇتىلۋدە. ال ماراپاتتاۋ ءراسىمى 21 ساۋىردە ماسكەۋ قالاسىندا وتەدى.
ەسكە سالايىق, بىلتىر بۇل سىيلىقتى الماتىلىق جازۋشى يليا ودەگوۆ «تيمۋر ي ەگو لەتو» اتتى ەڭبەگىنىڭ ارقاسىندا العان بولاتىن.
جولدىباي بازار.
دەرەك, سۋرەت: tengrinews.kz.