استانا. 12 ناۋرىز. «سويۋز تما-14م» عارىش كەمەسىنىڭ اپپاراتى جەرگە قايتىپ ورالدى. ول عارىشتا 170 تاۋلىك بولىپ, مەجەلەنگەن مەرزىمدە قازاقستان جەرىنە قوندى. بۇل تۋرالى تاسس حابارلادى.
ونىڭ بورتىندا حعس ەكيپاجىنىڭ ءۇش مۇشەسى, رەسەيلىك: الەكساندر ساموكۋتياەۆ, ەلەنا سەروۆا (سۋرەتتە) جانە NASA عارىشكەرى بارري ۋيلمور بار.
اپپارات جوسپارلانعان اۋدانعا قوندى. ناقتىراق ايتقاندا, جەزقازعان قالاسىنان وڭتۇستىك-شىعىسقا قاراي 146 شاقىرىم قاشىقتىققا ءتۇستى.
رەسەيدىڭ ۆيتسە-پرەمەرى دميتري روگوزين ەكيپاج مۇشەلەرىنىڭ جاعدايلارى جاقسى ەكەنىن مالىمدەدى.
عارىشقا بۇل جولعى ساپاردىڭ ەرەكشەلىگى, كەڭەس وداعى تاراپ, رەسەيدىڭ ءوزى دەربەس مەملەكەتكە اينالعالى بەرى ونىڭ ءبىرىنشى كوسموناۆت ايەلى عارىش كوگىنە كوتەرىلىپ, ودان امان-ەسەن ورالىپ وتىر.
جولدىباي بازار.
دەرەك, سۋرەت: تاسس.