ناۋرىز ايىنىڭ سوڭعى كۇنىندە قازاق مەملەكەتتىك قىزدار پەداگوگيكالىق ۋنيۆەرسيتەتىندە وتكەن قازاق حاندىعىنىڭ 550 جىلدىعىنا ارنالعان «قازاق حاندىعىنىڭ دارا تۇلعالارى: ەرلىك پەن ەلدىكتىڭ ەلشىسى» اتتى ينتەللەكتۋالدى وليمپيادا مارەگە جەتتى.
الماتى قالاسى جوو ستۋدەنتتەرى قاتىسقان وليمپيادا 5 تۋردان تۇردى.
تاريح سالاسى بويىنشا بىلىمدەرى سىنالعان قالالىق وليمپياداعا ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ جەتەكشى عىلىمي قىزمەتكەرى, تاريح عىلىمدارىنىڭ كانديداتى, دوتسەنت اۋەزحان شاشاەۆ باستاعان تاريحشى ماماندار قازىلىق جاسادى.
سايىس قورىتىندىسى بويىنشا I ورىنعا قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ «اتامەكەن» كومانداسى يە بولدى. ءىى ورىندى الماتى تەحنولوگيالىق ۋنيۆەرسيتەتىنىڭ «حان ورداسى» كومانداسى مەن س.ج.اسفەندياروۆ اتىنداعى قازۇمۋ «يبن-سينا» كومانداسى ءوزارا ءبولىستى. ءىىى ورىندى ءال-فارابي اتىنداعى قازاق ۇلتتىق ۋنيۆەرسيتەتىنىڭ «جەرۇيىق» كومانداسى مەن الماتى ۋنيۆەرسيتەتىنىڭ « ۇلى دالا قىراندارى» كومانداسى يەلەندى. سونداي-اق, اباي اتىنداعى قازاق ۇلتتىق پەداگوگيكالىق ۋنيۆەرسيتەتى «سۇڭقار» كومانداسى مەن ابىلاي حان اتىنداعى قازحقجاتۋ-دىڭ «ءۇش ءجۇز» كوماندالارى ارنايى ماراپاتتالدى.
ايناش ەسالي,
«ەگەمەن قازاقستان».
الماتى.