استانا. 11 ناۋرىز. الماتى قالاسى ناۋرىزباي اۋدانىندا 4 قاباتتى ءۇي ورتەندى. بۇل تۋرالى «الماتى» تەلەارناسى حابارلادى.
حابارلامادا كورسەتىلگەندەي, تاڭعى ساعات 9-دا قالالىق توتەنشە جاعدايلار دەپارتامەنتىنە ناۋرىزباي اۋدانىنداعى كوپقاباتتى ۇيلەردىڭ ءبىرىنىڭ شاتىرى جانىپ جاتقانى تۋرالى اقپارات تۇسەدى. وقيعا ورنىنا جەتكەن ءورت سوندىرۋشىلەر ساعات 9:54-تە ءورتتى وشىرگەن. كەيىن بەلگىلى بولعانداي, ءۇيدىڭ 450 شارشى مەتر اۋماعى ورتەنگەن. ءتىلسىز جاۋدىڭ بەتىن قايتارۋعا ءورت ءسوندىرۋ قىزمەتىنىڭ 10 تەحنيكاسى جۇمىلدىرىلعان.
قازىر وقيعانىڭ شىعۋ سەبەبى انىقتالىپ جاتىر. قالا اكىمشىلىگى زارداپ شەككەن وتباسىلارعا ۋاقىتشا ورنالاساتىن جاي تاۋىپ بەرۋدى قاراستىرۋ ۇستىندە.
جولدىباي بازار.
دەرەك, سۋرەت: «الماتى» تەلەارناسى.