كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ VIII استانا ەكونوميكالىق فورۋمى شەڭبەرىندە بىرقاتار ەكىجاقتى كەزدەسۋلەر وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
بەلگيانىڭ ەكس-پرەمەر-ءمينيسترى يۆ لەتەرممەن كەزدەسۋدە ەكونوميكا ءوسىمىنىڭ باياۋلاۋ فاكتورىن جويۋ جانە تابىس دەڭگەيلەرى جوعارى ەلدەر ساناتىنا كوشۋ ءۇشىن قاجەتتى سانالاتىن شارالار تالقىلاندى. سونداي-اق, يۆ لەتەرم رەسپۋبليكا ەكونوميكاسىنا شەتەلدىك ينۆەستيتسيالار تارتۋ ادىستەرى تۋرالى پىكىر ءبىلدىردى. ول سول سياقتى, ەىدۇ-نىڭ جەرگىلىكتى رىنوكتاردى دامىتۋ ستاندارتتارىنا قاتىستى جۇمىس جاعدايىمەن دە ءبولىستى.
نورۆەگيالىق ەكونوميست, 2004 جىلعى ەكونوميكا بويىنشا نوبەل سىيلىعىنىڭ لاۋرەاتى, شىنايى ىسكەرلىك تسيكلدەر تەورياسىنىڭ نەگىزىن سالۋشىلاردىڭ ءبىرى فينن ەرلينگ كيدلاند ەل ەكونوميكاسى ءۇشىن سىرتقى سىلكىنىستەردىڭ تەرىس زارداپتارىن تەجەۋ ءۇشىن ينفلياتسيالىق تارگەتتەۋدىڭ ءمانى مەن ماڭىزدى ءرولىن اتاپ ءوتتى, سونداي-اق, سالىق-بيۋدجەت جانە اقشا-كرەديت ساياساتىن نەعۇرلىم وڭتايلى ۇيلەستىرۋ بويىنشا كەڭەستەر بەردى.
پرەمەر-ءمينيستردىڭ ءبىرىنشى ورىنباسارى مەن يەل ۋنيۆەرسيتەتىنىڭ جاھاندىق قارىم-قاتىناستار ماسەلەلەرى بويىنشا باس عىلىمي قىزمەتكەرى دومينگو كاۆاللو ينفلياتسيانى تومەندەتۋ, ونىڭ ىشىندە اقشا ماسساسىنا باقىلاۋ جاساۋ ارقىلى تومەندەتۋ ماسەلەسىن, سول سياقتى, ۆاليۋتالىق رەتتەۋ ماسەلەلەرىن تالقىلادى.