وعان «قازپوشتا» اق اۋىلدىق بولىمشەلەرى ارقىلى ءوتىنىش بەرۋگە بولادى
اۋىلدىق ەلدى مەكەن تۇرعىندارى «نۇر وتان» پارتياسىنىڭ قوعامدىق قابىلداۋىنا «قازپوشتا» بولىمشەلەرىندە ورناتىلعان بەينەكونفەرەنسبايلانىس ارقىلى وتىنىشتەرىن بەرە الادى. بۇل مۇمكىندىك «نۇر وتان» پارتياسىنىڭ «قازپوشتا» كومپانياسىمەن سەرىكتەستىگى ناتيجەسىندە ىسكە اسىرىلىپ وتىر, سونىڭ بارىسىندا پوشتا بايلانىس بولىمشەلەرىندە عالامتورعا كىرۋ مۇمكىندىگى بار 50 نۇكتە اشىلادى.
Skype ارقىلى بەينەبايلانىسپەن شالعايداعى ەلدى مەكەن تۇرعىندارى پارتيانىڭ قوعامدىق قابىلداۋىنا, «نۇر وتان» پارتياسى فراكتسياسىنىڭ مۇشەلەرى – دەپۋتاتتار: ءماجىلىس پەن ماسليحاتتاعى, ورتالىق جانە جەرگىلىكتى مەملەكەتتىك ورگاندار باسشىلارىنا ءوتىنىش بەرە الادى. بۇل ازاماتتاردى قامتۋدى ۇلعايتۋعا, وزەكتى ماسەلەلەردى قاراۋدىڭ سانىن ارتتىرۋعا, مەملەكەتتىك ورگانداردىڭ قىزمەتى, پارلامەنتتىك فراكتسيا جۇمىسى جانە مەملەكەت قابىلداعان داعدارىسقا قارسى شارالار تۋرالى اقپارات الۋعا مۇمكىندىك بەرەدى.
«نۇر وتان» پارتياسى كوپ تارماقتى قوعامدىق قابىلداۋ جەلىلەرىنە يە, ءبىز ءۇشىن ولاردىڭ ءار اۋىل تۇرعىنىنا قولجەتىمدى بولعانى ماڭىزدى. «قازپوشتا» پوشتا بايلانىسىنىڭ ۇلتتىق وپەراتورى رەتىندە اۋىلدىق جەرلەردە قوعامدىق باقىلاۋ جەتەتىن قىزمەت كورسەتۋگە مۇددەلى. پارتيانىڭ «قازپوشتا» اق-پەن سەرىكتەستىگى ارقاسىندا اۋىل تۇرعىندارىنىڭ وبلىس ورتالىعى مەن استاناعا بارۋى قاجەتتىلىگىنسىز جۇگىنىستەرى مەن ۇسىنىستارىن جولداۋىنا, سونىمەن قاتار, مەملەكەتتىك ورگان باسشىلارىنىڭ قابىلداۋىنا جازىلۋىنا مۇمكىنشىلىگى تۋعاندىعىن اقتوبە قالاسىنداعى ءباسپاسوز ءماسليحاتى بارىسىندا «نۇر وتان» پارتياسىنىڭ رەسپۋبليكالىق قوعامدىق قابىلداۋىنىڭ باسشىسى ابىلايحان وسپانوۆ اتاپ ءوتتى.
مەملەكەت باسشىسىنىڭ تاپسىرماسىمەن جەتى جىل بۇرىن قۇرىلعان ايماقتارداعى قوعامدىق قابىلداۋلار كوپتەگەن ازاماتتار ءۇشىن مەملەكەتتىك ورگاندار جانە دەپۋتاتتارمەن بايلانىس ءۇشىن ءتيىمدى قۇرال بولىپ وتىر. قازىرگى ۋاقىتتا رەسپۋبليكامىزدا پارتيانىڭ اقىسىز زاڭگەرلىك كەڭەس قانا ەمەس, سونىمەن قاتار, ناقتى ماسەلەلەر بويىنشا كومەك بەرەتىن 241 قوعامدىق قابىلداۋى جۇمىس جاساۋدا. ءوز كەزەگىندە «قازپوشتا» اق-تىڭ اۋىلدىق بولىمشەلەرىندەگى عالامتورعا كىرۋ مۇمكىندىگى بار 50 نۇكتەنىڭ اشىلۋى ازاماتتار جۇگىنىسىنىڭ جەدەل قارالۋىنا ىقپال ەتەدى جانە مەملەكەتتىك ورگاندار مەن دەپۋتاتتاردىڭ تۇرعىندارمەن ءوزارا قارىم-قاتىناسىن ارتتىرا تۇسەدى.
«قازپوشتا» اق الەۋمەتتىك-جاۋاپكەرشىلىكتى كومپانيا بولا وتىرىپ, وسىنداي بولىمشەلەردى قۇرۋ ارقىلى تۇرعىندار ءۇشىن مەملەكەتتىك قىزمەتتەردى كورسەتۋ ساپاسىن ارتتىرۋ جولىندا ناقتى قادامدار جاساۋدا. بۇگىنگى تاڭدا ەلىمىز بويىنشا قازاقستاندىق پوشتانىڭ 3200-دەن اسا بولىمشەسى, 14 وبلىستىق جانە رەسپۋبليكالىق ماعىناداعى 4 فيليالى بار. وسى قىزمەت ۇيىمداستىرىلعان بولىمشەلەردىڭ ءتىزىمىن كومپانيانىڭ www.kazpost.kz.رەسمي سايتىنان الۋعا بولادى.
«ەگەمەن-اقپارات».