استانا. 10 ناۋرىز. وتكەن اپتاداعى كاسىپقوي بوكس الەمىندەگى ماڭىزدى وقيعالاردىڭ ءبىرى وليمپيالىق ويىنداردىڭ ەكى دۇركىن چەمپيونى, قىتايلىق تسزوۋ ءشيميننىڭ ۇتىلىپ قالۋى بولدى. بۇل تۋرالى «سپورت-ەكسپرەسس» گازەتىنە سىلتەمە جاساعان ras.kz حابارلادى.
قازاقستاندىق جانكۇيەرلەر ءالى بۇل ەسىمدى ۇمىتا قويماعان شىعار دەپ ويلايمىز. ول كەزىندە اۋەسقويلار رينگىندە ءبىزدىڭ ءبىراز بوكسشىنىڭ جولىن كەستى. سونىڭ ىشىندە ءبىرجان جاقىپوۆپەن تالاي تەڭ شايقاستىڭ وزىندە ىلعي جەڭىستى الىپ كەتىپ ءجۇردى. بىراق ءوزىنىڭ مىقتى بولعانىنان ەمەس, ۇدايى تورەشىلەردىڭ سوعان قاراي بۇيرەگى بۇرىپ تۇراتىندىعىنان.
«پروۋموتەرلەر ۇزاق ۋاقىت بويى ونى قۇلاعىنان سۇيرەپ ءجۇرىپ, كاسىپقويلار اراسىنداعى الەم چەمپيونى ەتپەكشى بولدى. ال سەنبى كۇنى وتكەن ۇرىستان ولاردىڭ قولدارىندا تەك ونىڭ قۇلاقتارى عانا قالدى. ەندى قايتادان ەش ناتيجە اكەلمەيتىن وسى تىرلىككە كىرىسۋ ءۇشىن ولارعا قۇلاقتى قايتادان ورنىنا جالعاۋعا تۋرا كەلەدى», - دەپ جازادى باسىلىم.
7 ناۋرىز. ماكاو, قىتاي.
امنات رۋەنروەنگ (تايلاند) تسزوۋ ءشيميندى (قىتاي) ۇپاي سانىمەن جەڭىپ, ءوزىنىڭ IBF ۆەرسياسى بويىنشا 50,8 كگ دەيىنگى كاتەگورياداعى الەم چەمپيونى اتاعىن ساقتاپ قالدى.
«كوپتەگەن ماماندار ەكى دۇركىن وليمپيالىق ويىندار چەمپيونى تسزوۋ ءشيميندى كاسىپقويلار رينگىنە ەرتەرەك كەلۋى كەرەك ەدى, سوندا تابىسقا وڭاي جەتەتىن ەدى, دەگەندى ايتادى. الايدا, مەنىڭشە, ول تەك كاسىپقويلار بوكسىنا جارامايتىن سياقتى. مۇندا سوققى جاساي بىلمەسەڭ, سەنەن ەشتەڭە كۇتۋگە بولمايدى, سەنى ەشقانداي اياقتىڭ قوزعالىسى قۇتقارا المايدى», - دەپ جازادى ءتىلشى.
ونىڭ پىكىرىنشە, شيمين جونىندەگى شىندىقتى جاقسى بىلەتىن پروموۋتەرلەر سوققىنى ەڭ از جاسايتىن بوكسشىمەن جەكپە-جەك شىعارىپ كوردى, بىراق وليمپيالىق چەمپيون مۇندا دا جەر قاۋىپ قالدى.
رۋەنروەنگ ۇرىستىڭ باسىنان قارسىلاسىن سوققىنىڭ استىنا الۋعا كىرىستى. ونىڭ سوققىلارى اسا ءبىر كۇشتى بولماعانىمەن, بەتتەن سيپاپ جۇرگەندەي دە بولا قويعان جوق. تاي بوكسشىسى, اسىرەسە, وڭ قولىمەن تۋرالىپ قاتتى ۇرىپ باقتى.
شايقاستىڭ سوڭىندا تورەشىلەر ءبىر اۋىزدان جەڭىستى رۋەنگروەنگە بەردى. ەسەپ:
116-111.
دامير قوجامقۇل.