استانا. 10 ناۋرىز. سوت وتىرىسى بارىسىندا بەلگىلى اكتەر, شوۋمەن نيكيتا دجيگۋردانىڭ جۇبايىنان كوپشىلىك الدىندا كەشىرىم سۇراۋى ونىڭ وتباسىن ساقتاپ قالۋىنا جاردەمدەستى. بۇل تۋرالى نتۆ تەلەارناسى حابارلادى.
«جانجالعا ۇلاسقان نەكە بۇزۋ پروتسەسى بۇگىن اتالمىش اكتەر مەن بۇرىنعى مانەرلەپ سىرعاناۋشى, وليمپيادا چەمپيونى مارينا انيسينانىڭ بىيىمگە كەلۋىمەن اياقتالدى», - دەلىنگەن حابارلامادا.
ەرلى-زايىپتىلار اجىراسۋلارىنىڭ باستاماشىسى سپورتشى كەلىنشەك بولدى. بۇل اڭگىمە دجيگۋردانىڭ ايەلىن ساتقىندىق جاسادى دەپ نەگىزسىز ايىپتاپ, بولماي جاتىپ بايبالام سالۋىنان كەيىن قوزعالدى. بىراق شوۋمەن جۇبايىمەن قارىم-قاتىناستى ۇزۋدەن باس تارتىپ, بۇگىن سوتتىڭ اقىرعى وتىرىسى الدىندا جۇبايلاردىڭ ادالدىعى مەن سۇيىسپەنشىلىگى جايىندا مونولوگ ايتتى. اكتەر سويلەپ تۇرعان كەزىندە ساعاتىنا قاراۋمەن بولدى. سەبەبى, وتكەن جولعى وتىرىس ونىڭ كەشىگىپ كەلۋىنە بايلانىستى كەيىنگە قالدىرىلعان ەدى. ال مارينا انيسينا پاريجدە گاسترولى بولۋى سالدارىنان پروتسەسكە قاتىسا المادى.
دجيگۋردانىڭ ءوزى فرانتسياعا جاقىندا كەلىپ, جۇبايىمەن كەزدەسىپ, ودان كەشىرىم سۇراعانىن ايتتى. سوتتان كەيىن نيكيتا وتباسىنىڭ قايتا قوسىلعانىنىڭ قۇرمەتىنە بىرنەشە جاڭا تاتۋيروۆكا سالدىرۋ ءۇشىن تاتۋ-سالونعا تارتىپ كەتتى.
مۇرات ايتقوجا.
دەرەك, سۋرەت: نتۆ.Ru.