قوستاناي. 10 ناۋرىز. قوستاناي وبلىسى جىتىقارا اۋداندىق سوتىنىڭ سانكتسياسىمەن جىتىقارا قالاسىنداعى ەكى ازامات ادام ولىمىنە قاتىسى بار دەگەن كۇدىكپەن قاماۋعا الىندى. بۇل تۋرالى egemen.kz ءتىلشىسى حابارلادى.
ادام ءولتىردى دەگەن كۇدىكتىلەر 30 جانە 27 جاستاعى جىگىتتەر. ولاردىڭ ۇستىنەن قىلمىستىق كودەكستىڭ 99 بابى 2 ءبولىم 7 تاراۋ بويىنشا «توپتانىپ, قاساقانا ادام ءولتىردى» دەگەن ايىپ تاعىلىپ وتىر.
سوتقا تاپسىرىلعان تەرگەۋ ماتەريالدارىنىڭ مالىمەتىنشە, 2 ناۋرىز كۇنى ۇستالعاندار ادەيى ءولتىرۋ ءۇشىن ەر ادامنىڭ موينىنا شاپپا سالىپ العان. سونىڭ سالدارىنان ەر كىسى تىلگە كەلمەي قايتىس بولعان . وبلىستىق سوتتىڭ ءباسپاسوز قىزمەتىنىڭ حابارلاۋىنشا, اتالعان باپ بويىنشا قاساقانا ادام ولتىرگەندەردى 15-20 جىل ارالىعىندا باس بوستاندىعىنان ايىرۋ جازاسى كۇتىپ تۇر.
ءنازيرا جارىمبەتوۆا.
دەرەك: egemen.kz.
سۋرەت alau.kz.