«قوستاناي وبلىسىنىڭ قۇرمەتتى ازاماتى» اتاعى بەرىلدى

قوستاناي. 21 مامىر. «قوستاناي وبلىسىنىڭ قۇرمەتتى ازاماتى» اتاعىنا يە ادامداردىڭ ەسىمى جازىلاتىن كىتاپ تاعى دا ءتورت ەسىممەن تولىقتى.  ول وبلىستىق ءماسليحاتتىڭ  كەزەكتى سەسسياسىندا بەكىتىلدى. بۇل تۋرالى egemen.kz ءتىلشىسى حابارلادى. حالىق قالاۋلىلارى «قوستاناي وبلىسىنىڭ قۇرمەتتى ازاماتى» اتاعىن ءسابيت دوسانوۆقا, شاڭگەرەي جانىبەكوۆ, كەنجەبەك ۋكين مەن سەرگەي حارچەنكوعا بەرۋدى ءبىر اۋىزدان ماقۇلدادى. شاڭگەرەي جانىبەكوۆ پەن كەنجەبەك ۋكين ءار جىلدارى قوستاناي وبلىسىندا باسشىلىق قىزمەتتە بولدى. ال بەلگىلى جازۋشى ءسابيت دوسانوۆ – قوستاناي وبلىسىنىڭ تۋماسى, سەرگەي حارچەنكو – وبلىستىق-ايماقتىق «كوستانايسكيە نوۆوستي» گازەتىن 30 جىلعا جۋىق باسقارىپ وتىرعان رەداكتور جانە عالىم. الەۋمەتتىك-ساياسي عىلىمداردىڭ دوكتورى. ءنازيرا جارىمبەتوۆا. دەرەك, سۋرەت: egemen.kz