استانا. 21 مامىر. استانادا ءوتىپ جاتقان استانا ەكونوميكالىق فورۋمىندا پرەمەر-مينيستر كارىم ءماسىموۆ ورتالىق ازياداعى بارلىق شەتەلدىك ينۆەستيتسيانىڭ تورتتەن ءۇشىن قازاقستان تارتىپ جاتقانىن ايتتى. بۇل تۋرالى «قازاقپارات» حابارلادى.
«قازاقستان بيزنەس ءۇشىن اشىق جانە ونى جۇرگىزۋ بويىنشا ەلىمىز ورتالىق ازيادا ەڭ ۇزدىك. سول ءۇشىن قازاقستاندا ينۆەستيتسيالار باسىم سيپاتقا يە. تاۋەلسىزدىك جىلدارىندا ءبىز دامۋدىڭ قۋاتتى تۇعىرناماسىن قۇردىق. سوڭعى 10 جىلدا قازاقستاننىڭ ەكونوميكالىق ءوسىمى ەكى ەسەگە ارتتى», – دەدى ۇكىمەت باسشىسى.
سونداي-اق, كارىم ءماسىموۆ بۇگىندە قازاقستان ەكونوميكاسى زەردەلەنگەن ينۆەستيتسيالىق ساياساتتىڭ ارقاسىندا ءارتاراپتاندىرىلا تۇسكەنىن نازارعا الدى.
«ءبىز ورتالىق ازياعا ميللياردتاعان دوللاردى تارتۋدامىز. وڭىردەگى بارلىق شەتەلدىك ينۆەستيتسيانىڭ تورتتەن ءۇش بولىگى قازاقستاننىڭ ەنشىسىندە. سونىمەن قاتار, ينۆەستيتسيالىق ءۇردىس قارقىن الىپ كەلەدى. ناتيجەسىندە باسەكەلەستىك ارتىپ, ەكونوميكامىزدىڭ وڭتايلىلىعى جەمىستى بولۋدا», – دەدى پرەمەر-مينيستر.
ەلامان قوڭىر.
دەرەك: «قازاقپارات».
سۋرەت: egemen.kz.