پەتروپاۆل. 21 مامىر. توتەنشە جاعدايلار جونىندەگى دەپارتامەنت, ءورت ءسوندىرۋ, سۋدا قۇتقارۋ مەكەمەلەرىنىڭ قىزمەتكەرلەرى دونورلىق قان تاپسىرىپ, 9 ايلىق ءسابيدىڭ ومىرىنە اراشا تۇردى. بۇل تۋرالى وبلىستىق «سولتۇستىك قازاقستان» گازەتى حابارلادى.
وبلىستىق توتەنشە جاعدايلار جونىندەگى دەپارتامەنتتىڭ ءبولىم باستىعى ەركەن جۇماتاەۆ وسى سالادا 16 جىلدان بەرى جۇمىس ىستەپ كەلەدى. تالاي ادامدى اجال اۋزىنان قۇتقارعان ونىڭ وتباسى اياق استىنان قيىندىققا تاپ بولدى. جۇماتاەۆتاردىڭ 9 ايلىق ۇلىنىڭ قان قۇرامىنداعى گەموگلوبيننىڭ كۇرت تومەندەپ كەتۋى سالدارىنان ومىرىنە ۇلكەن قاتەر ءتوندى. ونىڭ الدىندا 6 ايلىعىندا تۋعان ءسابيدىدىڭ ءومىرى ءۇشىن دارىگەرلەر ءۇش اپتا كۇرەسىپ, بەتىن ارەڭ قاراتقان ەدى.
الاننىڭ دەنساۋلىعىن تۇزەۋ ءۇشىن 10-15 ادامنىڭ قانى جەتەتىن ەدى. الايدا, ەركەننىڭ ارىپتەستەرى دەرەۋ قامقور قولىن سوزىپ, ءبىر كۇننىڭ ىشىندە 56 ادام دونور كەزەگىندە تۇردى. سول كۇنى نارەستەگە قان قۇيىلدى. وسىلايشا وتباسىمەن امان-ەسەن قاۋىشتى.
«ورتالىققا تاپسىرىلعان دونورلىق قان ءالى تالاي ادامنىڭ ءومىرىن ساقتاپ قالارىنا ءشۇبا جوق. وسىنداي قىسىلتاياڭ ساتتە كومەككە جانۇشىرا ۇمتىلعان جولداسىمنىڭ ارىپتەستەرىنە ءدان ريزامىن», دەيدى 9 ايلىق ءسابيدىڭ اناسى گۇلميرا.
ومىر ەسقالي.
دەرەك: وبلىستىق «سولتۇستىك قازاقستان» گازەتى.
سۋرەت: egemen.kz