استانا. 21 مامىر. قىرعىزستان پرەزيدەنتى المازبەك اتامباەۆ رەسپۋبليكانىڭ ەۋرازيالىق ەكونوميكالىق وداققا قوسىلۋى جونىندەگى حالىقارالىق كەلىسىمدەردى بەكىتۋ تۋرالى زاڭعا قول قويدى. ءبىر كۇن بۇرىن اتالعان زاڭ جوباسىن قىرعىزستان پارلامەنتى ماقۇلداعان. بۇل تۋرالى ريا «نوۆوستي» حابارلادى.
قۇجات وداققا كىرۋ شارتتارى بەكىتىلىپ, كەلىسىمشارت پەن ەكى حاتتامانىڭ كۇشىنە ەنۋ ءتارتىبى كورسەتىلگەن نەگىزگى بولىمنەن تۇرادى. ال ەكونوميكالىق وداققا قىرعىزستان ءىس جۇزىندە ەاەو-عا مۇشە بارلىق ەلدەردىڭ ىشكى بەكىتۋ راسىمدەرى اياقتالعاننان كەيىن كىرەتىن بولادى.
قىرعىزستان ەكونوميكالىق وداققا قوسىلۋ جونىندەگى كەلىسىمشارتقا وتكەن جىلى جەلتوقسان ايىندا قول قويعان بولاتىن. 8 مامىردا ەاەو ەلدەرىنىڭ باسشىلارى كەلىسىمشارتقا نەگىزدەلگەن حاتتامالارعا قول قويدى.
ەستەرىڭىزگە سالا كەتەيىك, ءساۋىر ايىندا رەسەي مەملەكەتتىك دۋماسىنىڭ توراعاسى سەرگەي نارىشكين ەۋرازيالىق ەكونوميكالىق وداقپەن ەركىن ساۋدا ايماعىن قۇرۋعا 40-قا جۋىق ەلدىڭ قىزىعۋشىلىق ءبىلدىرىپ وتىرعانىن مالىمدەدى.
ايدار ورىسباەۆ.
دەرەك, سۋرەت: ria.ru.