الماتى. 2 ءساۋىر. الماتىداعى ت.جۇرگەنوۆ اتىنداعى ۇلتتىق ونەر اكادەمياسى بۇدان بىرقاتار ۋاقىت بۇرىن وقۋ عيماراتىندا ورىن العان ءورت وقيعاسىنا بايلانىستى تۋىنداعان قولايسىزدىقتارعا قاراماستان, وقۋ پروتسەسىن بۇرىنعىسىنشا جالعاستىرىپ جاتىر. بۇل تۋرالى اكادەميا ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
ۇستىمىزدەگى جىلدىڭ 20 ناۋرىزىندا ت.جۇرگەنوۆ اتىنداعى ۇلتتىق ونەر اكادەمياسى عيماراتىندا ەلەكتر جەلىسىنىڭ تۇيىقتالۋى سالدارىنان ءورت وقيعاسىنىڭ ورىن العانى بەلگىلى. قازىر وسىعان بايلانىستى مۇندا عيماراتتىڭ ب ۇلىنشىلىككە ۇشىراعان بولىكتەرىن قالپىنا كەلتىرۋ جۇمىستارى جۇرۋدە.
«وقۋ كورپۋسىندا وسىنداي توتەنشە جاعداي ورىن الىپ, بىرقاتار قيىندىقتار مەن قولايسىزدىقتار تۋعانىنا قاراماستان, ونداعى وقۋ پروتسەسى توقتاتىلعان جوق. ماگيستراتۋرا مەن باكالاۆريات كۋرستارىندا ادەتتەگىدەي بارلىق ساباقتار ءوتىپ جاتىر. قولدان كەلگەنىنشە ولاردىڭ دارىستەردى بۇرىنعىسىنشا وقي الۋلارىنا بارلىق جاعدايلار جاسالۋدا. بۇعان قوسا, وسى ارالىقتا اكادەميا ءومىرى ءۇشىن اسا ماڭىزدى سانالاتىن بىرنەشە جاڭالىق تا بولىپ ۇلگەردى. اتاپ ايتقاندا, اكتەر ءبولىمىنىڭ 1-2 كۋرس ستۋدەنتتەرى 25-27 ناۋرىز كۇندەرى گرۋزيانىڭ استاناسى – تبيليسي قالاسىندا ۋكراينا, ارمەنيا, قازاقستان, ليتۆا مەملەكەتتەرى اراسىندا وتكەن حالىقارالىق ەتيۋدتار فەستيۆالىندە گران-پري جۇلدەسىن الىپ قايتتى. وسى ارالىقتا ماسكەۋ قالاسىنداعى گيتيس-تە وتكەن VIII عىلىمي-تاجىريبەلىك كونفەرەنتسياعا رەجيسسەرلىك ءبولىمنىڭ 4-كۋرس ستۋدەنتتەرى قاتىسىپ, ءوز دەڭگەيلەرىن تانىتتى. ال سۋرەتشى ساۋلە باپانوۆا باستاپ بارعان 1-2 كۋرس كوركەم توقىما ونەرى ستۋدەنتتەرى بىرىككەن اراب امىرلىگىنىڭ ورتالىعى – دۋباي قالاسىنداعى اRت-فەستيۆالدە جۇلدەلى ورىن الىپ, الەم ەلدەرى ىشىندە ۇلكەن تانىمالدىلىققا يە بولدى», – دەلىنگەن حابارلامادا.
شىنىندا دا وسىنىڭ بارى اكادەميادا بۇرىننان قالىپتاسقان وقۋ-تاربيە پروتسەسىندەگى تياناقتى جۇمىستاردىڭ ءوز جالعاسىن تاۋىپ كەلە جاتقانىن كورسەتسە كەرەك.
«ءبىز ءوز كەزەگىمىزدە سول ساباقتاسقان جەلىنىڭ ءۇزىلىپ قالماۋىن قامتاماسىز ەتىپ, ونىڭ بۇدان ءارى كەڭ ءورىس تاۋىپ, دامي بەرۋى ءۇشىن قىزمەت ەتە بەرەتىن بولامىز», – دەدى وسى ورايدا اكادەميا رەكتورى بيبىگۇل ءنۇسىپجانوۆا.
قازىرگى تاڭدا وقىتۋشى-پروفەسسورلار قۇرامى جاڭاشىلدىق تالاپتارى اياسىندا شەبەرلىكتەرىن شىڭداي وتىرىپ, شىعارماشىلىق قىزمەتپەن بەلسەنە اينالىسۋدا. وعان وقۋ ورنى ۇستازدارىنىڭ قول جەتكىزگەن ەرەكشە شىعارماشىلىق جەتىستىكتەرى كۋا بولا الادى. ءبىزدىڭ 70-دەن اسا وقىتۋشىمىز مەملەكەتتىك سىيلىقتىڭ لاۋرەاتتارى, حالىقارالىق جانە رەسپۋبليكالىق فەستيۆالدەر مەن سايىستاردىڭ ديپلومانتتارى اتانعان.
«پرەزيدەنت نۇرسۇلتان نازارباەۆتىڭ قازاقستان حالقىنا ۇندەۋىن باسشىلىققا الا وتىرىپ, وقۋ ورنىنىڭ ۇجىمى ءوزىنىڭ بارلىق كۇش-جىگەرىن XXI عاسىر تالاپتارىنا ساي ماماندار دايىنداۋعا جۇمسايدى. بۇل ۇلتتىق ونەردىڭ داۋىرلەۋىنە قىزمەت ەتەتىن ونەر ەليتاسى بولماق», – دەپ اتاپ ءوتتى بيبىگۇل نۇرعاليقىزى ءسوزىنىڭ سوڭىندا.
تالعات ءسۇيىنباي.
دەرەك: egemen.kz.
سۋرەت: ت.جۇرگەنوۆ اتىنداعى ۇلتتىق ونەر اكادەمياسى.