استانا. 2 ءساۋىر. الماتى قالاسىنىڭ حايۋاناتتار باعىنداعى الىپ جىلاننىڭ ۇزىندىعى 4 مەتر 79 سانتيمەتردى قۇرايدى. بۇل تۋرالى newstop.kz حابارلادى.
پيتون حايۋاناتتار باعىنا 2003 جىلى اكەلىنىپتى. سودان بەرى جىلاندى مۇنداعى قىزمەتكەرلەر ارنايى باققان. ناتيجەسىندە ول ەڭ الىپ پيتون رەتىندە رەكوردتىق كورسەتكىشكە يە بولىپ وتىر.
حايۋاناتتار باعىنىڭ ءبولىم مەڭگەرۋشىسى الەكساندر گۋرنەۆ الىپ جىلانعا دەگەن سۇرانىس جوعارى ەكەنىن ايتا كەلىپ: «ازىرگە وسى باقتىڭ قوجايىنى پيتوندى باسقا حايۋاناتتار مەكەمەسىنە ساتۋدى قالامايدى», – دەدى.
تالعات رايىمبەك.
دەرەك, سۋرەت: newstop.kz.