استانا. 2 ءساۋىر. ماسكەۋدە ءتورت ادامنان قۇرالعان قىلمىستىق توپ كوشەنىڭ قاق ورتاسىندا ادام توناپ, 6 ميلليون ءرۋبلدى قولدى قىلدى. بۇل تۋرالى gazeta.ru حابارلادى.
ماسكەۋ قالالىق قۇقىق قورعاۋ ورگانى وكىلدەرىنىڭ ايتۋىنشا, وقيعا كۋتۋزوۆ داڭعىلىنىڭ بويىندا بولعان. بەلگىسىز ءتورت ادام جابىرلەنۋشىگە تاپانشاعا ۇقسايتىن قارۋ كەزەڭىپ, اقشا تولى سومكەسىن تارتىپ العان. كەيىن قاراقشىلار Porsche كولىگىنە وتىرىپ, ىزدەرىن سۋىتقان. جاپا شەككەن ادام سومكەدە 6 ميلليونعا جۋىق رۋبل بولعانىن ايتۋدا.
قازىر وسى ىسكە قاتىستى جەدەل-تەرگەۋ توبى ىزدەستىرۋ جۇمىستارىن جۇرگىزۋدە. ءتىپتى قىلمىسكەرلەردى ۇستاۋ ءۇشىن ارنايى «قۇرىقتاۋ» جوسپارى ەنگىزىلگەن.
ەلامان قوڭىر.
دەرەك: gazeta.ru.
سۋرەت: rrnews.ru.