ورال. 21 مامىر. باتىس قازاقستان وبلىسىنىڭ ورتالىعى – ورالدا گاز تاسىمالدايتىن سوستاۆ رەلستەن شىعىپ كەتتى. وقيعا «الاۋ گاز» جاۋاپكەرشىلىگى شەكتەۋلى سەرىكتەستىگىنىڭ اۋماعىنداعى تەمىر جول تۇيىعىندا بولعان. بۇل تۋرالى egemen.kz ءتىلشىسى حابارلادى.
وبلىستىق توتەنشە جاعدايلار جونىندەگى دەپارتامەنت ماماندارىنىڭ ايتۋىنشا, بۇل كەزدە تسيستەرنالارعا گاز قۇيىلىپ ۇلگەرمەگەن. اتالعان سەرىكتەستىكتىڭ ديرەكتورى باقىتجان جاپاروۆ حابارلاعانداي, وقىس ارەكەتكە ءماشينيستىڭ راتسيامەن بەرىلگەن كوماندانى ەستىمەۋى سەبەپ بولعان.
توتەنشە جاعداي كەزىندە سوستاۆتىڭ قۇرامىندا گاز تاسىمالداۋعا ارنالعان 27 تسيستەرنا بولعان. ماماندار ولاردىڭ بوس بولۋى ۇلكەن اپاتتىڭ الدىن العانىن ايتۋدا.
تەمىر قۇسايىن.
دەرەك: egemen.kz.
سۋرەت: uralskweek.kz.