قىزىلوردا. 21 مامىر. رەسپۋبليكا كولەمىندە «نازار اۋدارىڭىز, جاياۋ جۇرگىنشى» جەدەل پروفيلاكتيكالىق ءىس-شاراسى ءوتىپ جاتىر. بۇل تۋرالى egemen.kz ءتىلشىسى حابارلادى.
شارا اياسىندا اۆتوكولىك جۇرگىزۋشىلەرىنىڭ جاياۋ جۇرگىنشىلەرگە جول بەرمەۋ دەرەكتەرىنىڭ الدىن الۋ, پروفيلاكتيكالىق باعىتتاعى جۇمىستاردى بارىنشا جانداندىرۋ ماقساتىندا قىزىلوردا قالاسىندا اكىمشىلىك پوليتسيا باسقارماسىنىڭ جول پاترۋلدىك پوليتسيا روتا ينسپەكتورلارى مەن بۇقارالىق اقپارات قۇرالدارىنىڭ قاتىسۋىمەن رەيدتىك شارا ۇيىمداستىرىلدى.
رەيد بارىسىندا 7 جۇرگىزۋشىگە قاتىستى اكىمشىلىك حاتتاما تولتىرىلىپ, ايىپپۇل سالىندى.
ماسەلەن, كەشكى ساعات 19:30-دا قالا ورتالىعىنداعى قازىبەك بي–قازانتاەۆ كوشەلەرىنىڭ قيىلىسىندا جاياۋ جۇرگىنشىگە جول بەرمەگەنى ءۇشىن «گازەل» اۆتوكولىگى توقتاتىلدى. «گازەلدىڭ» جۇرگىزۋشىسىنە اكىمشىلىك قۇقىق بۇزۋشىلىق تۋرالى كودەكستىڭ 600-بابىنا سايكەس اكىمشىلىك حاتتاما تولتىرىلىپ, الداعى ۋاقىتتا جول قوزعالىسى ەرەجەلەرىن ساقتاپ, جول قوزعالىسىنا قاتىسۋشىلارىن سىيلاۋ كەرەكتىگى جونىندە تۇسىندىرمە جۇمىستارى جۇرگىزىلدى.
ال, ءدال وسى كوشەلەردىڭ قيىلىسىندا «فولكسۆاگەن پاسسات» ماركالى اۆتوكولىگى جاياۋ جۇرگىنشىگە جول بەرمەگەنى ءۇشىن توقتاتىلىپ, جۇرگىزۋشى اتىنا اكىمشىلىك حاتتاما تولتىرىلدى.
ەرجان بايتىلەس.
دەرەك, سۋرەت: egemen.kz.