كەشە استانادا پرەمەر-ءمينيستردىڭ ورىنباسارى بەردىبەك ساپارباەۆ دەنساۋلىق ساقتاۋ وبەكتىلەرىنىڭ قىزمەتىمەن تانىسىپ, قالالىق جەدەل مەديتسينالىق جاردەم ستانساسىن, №10, 2 ەمحانالاردى, №2 اۋرۋحانانى ارالاپ كوردى, دەپ حابارلادى پرەمەر-ءمينيستردىڭ ءباسپاسوز قىزمەتى.
مەديتسينالىق ۇيىمداردى ارالاۋ بارىسىندا پرەمەر-مينيستردىڭ ورىنباسارى قالالىق دەنساۋلىق ساقتاۋ ۇيىمدارىنىڭ ينفراقۇرىلىمدارىمەن, مەديتسينالىق ۇيىمداردىڭ جۇمىسىمەن, ولاردىڭ ماتەريالدىق-تەحنيكالىق جاراقتانۋىمەن تانىستى. ب.ساپارباەۆ حالىققا مەديتسينالىق قولجەتىمدى كومەك جانە ونىڭ ۋاقتىلى كورسەتىلۋىمەن, ولاردى جاقسارتۋ جولدارىمەن, دەنساۋلىق ساقتاۋ جۇيەسىنىڭ شەڭبەرىندەگى جاڭا مەديتسينالىق تەحنولوگيالاردى جانە اقپاراتتىق جۇيەلەردى ەنگىزۋ اسپەكتىلەرىمەن تانىستى. سونداي-اق, ۆيتسە-پرەمەر باستاپقى مەديتسينالىق-سانيتاريالىق كومەك كورسەتۋدى جەتىلدىرۋ, ەمحانالارداعى كەزەكتەر ماسەلەلەرىن, پروفيلاكتيكا جانە اۋرۋلاردى ەمدەۋ بولىگىندە ازاماتتاردى اقپاراتتاندىرۋ دەڭگەيىن, حالىقپەن كەرى بايلانىستىڭ تيىمدىلىگىن رەتتەۋ ماسەلەلەرىن پىسىقتادى.
ارالاۋ قورىتىندىسى بويىنشا ۆيتسە-پرەمەر ءدسادم-ءنىڭ, استانالىق دەنساۋلىق ساقتاۋ باسقارماسى باسشىلارىنىڭ نازارىن قازىرگى تاڭداعى ورىن الىپ وتىرعان وزەكتى پروبلەمالىق ماسەلەلەرگە اۋداردى. سونىمەن قاتار, حالىققا كورسەتىلەتىن مەديتسينالىق كومەكتىڭ, باسقا دا مەديتسينالىق قىزمەتتەردىڭ ساپاسىن بۇدان ءارى جوعارىلاتۋ, سونداي-اق, ەكسپو-2017 حالىقارالىق مامانداندىرىلعان كورمەسىن مەديتسينالىق قامتاماسىز ەتۋ بويىنشا باعدارلامانى ازىرلەۋگە قاتىستى بىرنەشە تاپسىرما بەردى.