2014 جىلعى 26 جەلتوقسان استانا قالاسى
«ورتا ءبىلىم بەرەتىن ۇزدىك ۇيىم» گرانتىن بەرۋ ءتارتىبىن جانە ونىڭ مولشەرىن بەلگىلەي وتىرىپ, ونى بەرۋگە ارنالعان كونكۋرستى وتكىزۋ قاعيدالارىن بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 8-4) تارماقشاسىنا سايكەس بۇيىرامىن:
1. وسى بۇيرىققا قوسىمشاعا سايكەس «ورتا ءبىلىم بەرەتىن ۇزدىك ۇيىم» گرانتىن بەرۋ ءتارتىبىن جانە ونىڭ مولشەرىن بەلگىلەي وتىرىپ, ونى بەرۋگە ارنالعان كونكۋرستى وتكىزۋ قاعيدالارى بەكىتىلسىن.
2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا):
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ ۆيتسە-مينيستر ە.ن.يمانعاليەۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.ءسارىنجىپوۆ.
قازاقستان رەسپۋبليكاسى بىلىم جانە عىلىم ءمينيسترىنىڭ
2014 جىلعى 26 جەلتوقسانداعى №544 بۇيرىعىمەن بەكiتiلگەن
«ورتا ءبىلىم بەرەتىن ۇزدىك ۇيىم» گرانتىن بەرۋ ءتارتىبىن جانە ونىڭ مولشەرىن بەلگىلەي وتىرىپ, ونى بەرۋگە ارنالعان كونكۋرستى وتكىزۋ قاعيدالارى
ءى. جالپى ەرەجەلەر
1. وسى «ورتا ءبىلىم بەرەتىن ۇزدىك ۇيىم» گرانتىن بەرۋ ءتارتىبىن جانە ونىڭ مولشەرىن بەلگىلەي وتىرىپ, ونى بەرۋگە ارنالعان كونكۋرستى وتكىزۋ قاعيدالارى (بۇدان ءارى – قاعيدالار) «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-بابىنىڭ 8-4) تارماقشاسىنا سايكەس ازىرلەندى جانە «ورتا ءبىلىم بەرەتىن ۇزدىك ۇيىم» گرانتىن بەرۋ ءتارتىبىن جانە ونىڭ مولشەرىن بەلگىلەي وتىرىپ, ونى بەرۋگە ارنالعان كونكۋرستى وتكىزۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) كونكۋرستىڭ ۇيىمداستىرۋشىلارى – ءبىلىم بەرۋ سالاسىنداعى جەرگىلىكتى اتقارۋشى ورگاندار;
2) «ورتا ءبىلىم بەرەتىن ۇزدىك ۇيىم» گرانتى (بۇدان ءارى – گرانت) – وبلىستىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاندارى مەملەكەتتىك ورتا ءبىلىم بەرۋ ۇيىمدارىنا رەيتينگتىك كورسەتكىشتەرى نەگىزىندە كونكۋرس قورىتىندىلارى بويىنشا جىل سايىن بولەتىن اقشا;
3) رەيتينگتىك كورسەتكىشتەر – مەملەكەتتىك ءبىلىم بەرۋ مەكەمەلەرى سايكەس بولۋعا ءتيىس, وسى قاعيدالاردا بەلگىلەنەتىن ولشەمدەر.
3. «ورتا ءبىلىم بەرەتىن ۇزدىك ۇيىم» گرانتىن بەرۋ ءتارتىبىن جانە ونىڭ مولشەرىن بەلگىلەي وتىرىپ, ونى بەرۋگە ارنالعان كونكۋرستى (بۇدان ءارى – كونكۋرس) ءبىلىم بەرۋ سالاسىنداعى جەرگىلىكتى اتقارۋشى ورگاندار جىل سايىن وتكىزەدى.
4. كونكۋرس ءتيىمدى پەداگوگيكالىق جانە باسقارۋ تاجىريبەسىن انىقتاۋ, قورىتۋ جانە تاراتۋ, ورتا ءبىلىم بەرۋ ۇيىمدارىنىڭ پەداگوگتارى مەن باسشىلارىنىڭ كاسىبي جانە جەكە تۇلعالىق ءوسۋىن ىنتالاندىرۋ, قازاقستان رەسپۋبليكاسىنىڭ ورتا ءبىلىم بەرۋ جۇيەسىنىڭ دامۋ ءۇردىسىن انىقتاۋ ماقساتىندا وتكىزىلەدى.
5. گرانت كونكۋرستىڭ جەڭىمپازى - مەملەكەتتىك ورتا ءبىلىم بەرەتىن ۇزدىك ۇيىمعا بەرىلەدى.
2. «ورتا ءبىلىم بەرەتىن ۇزدىك ۇيىم» گرانتىن بەرۋ ءتارتىبىن
جانە ونىڭ مولشەرىن بەلگىلەي وتىرىپ, ونى بەرۋگە ارنالعان كونكۋرستى وتكىزۋ ءتارتىبى
6. كونكۋرسقا قاتىسۋعا مەملەكەتتىك ورتا ءبىلىم بەرۋ ۇيىمدارىنىڭ (بۇدان ءارى – ءبىلىم بەرۋ ۇيىمدارى) بارلىق تۇرلەرىنە رۇقسات بەرىلەدى.
7. كونكۋرس ەكى كەزەڭدە وتكىزىلەدى:
1) I كەزەڭ – اۋداندىق (قالالىق), جىل سايىن ءساۋىر ايىندا وتكىزىلەدى, وندا ەكىنشى كەزەڭگە قاتىسۋعا ۇسىنىلاتىن كونكۋرسقا قاتىسۋشىلار انىقتالادى;
2) II كەزەڭ – وبلىستىق, استانا جانە الماتى قالالارى, جىل سايىن مامىر ايىندا وتكىزىلەدى, وندا كونكۋرستىڭ جەڭىمپازى انىقتالادى.
8. كونكۋرستى ۇيىمداستىرۋ جانە وتكىزۋ ماقساتىندا ءبىلىم سالاسىنداعى جەرگىلىكتى اتقارۋشى ورگاندار ءاربىر دەڭگەيدە, وبلىس (رەسپۋبليكالىق ماڭىزى بار قالانىڭ جانە استانانىڭ), اۋدان (قالا) اكىمىنىڭ شەشىمىمەن وبلىس (رەسپۋبليكالىق ماڭىزى بار قالانىڭ جانە استانانىڭ), اۋدان (قالا) اكىمىنىڭ ءبىلىم سالاسىنا جەتەكشىلىك ەتەتىن ورىنباسارىنىڭ توراعالىعىمەن كونكۋرستىق كوميسسيا قۇرىلادى.
9. I جانە II كەزەڭدەردىڭ كونكۋرستىق كوميسسيالارىنىڭ قۇرامىنا وبلىستىق (رەسپۋبليكالىق ماڭىزى بار قالانىڭ جانە استانانىڭ), اۋداندىق (قالالىق) ءبىلىم سالاسى ورگاندارىنىڭ ماماندارى, تاجىريبەلى پەداگوگتار, ادىسكەرلەر, پسيحولوگتار, قوعامدىق ۇيىمدار وكىلدەرى, عىلىم قايراتكەرلەرى, ءبىلىم سالاسىنداعى باقىلاۋ دەپارتامەنتىنىڭ قىزمەتكەرلەرى كىرەدى.
10. كونكۋرستى وتكىزۋ تۋرالى حابارلاندىرۋدى ءبىلىم سالاسىنداعى جەرگىلىكتى اتقارۋشى ورگاندار مەرزىمدى ءباسپاسوز باسىلىمدارىندا كونكۋرستىڭ باستالۋىنا كەمىندە 1 اي قالعاندا جاريالايدى جانە:
1) كونكۋرس وتكىزىلەتىن كۇنىن, ۋاقىتىن, ورنىن جانە ءتارتىبىن;
2) قۇجاتتار قابىلداۋ ورنىن جانە مەرزىمىن قامتۋى ءتيىس.
11. قازاقستاندىق ءبىلىمنىڭ باسەكەگە قابىلەتتىلىگىن قامتاماسىز ەتۋ جانە جوعارى رەيتينگتىك كورسەتكىشتەرگە قول جەتكىزۋ ءۇشىن كونكۋرستىق كوميسسيا كونكۋرسقا قاتىسۋشىلاردى ىرىكتەۋدى تومەندەگىدەي ولشەمدەر بويىنشا جۇزەگە اسىرادى:
1) وقىتۋدىڭ اقپاراتتىق-كوممۋنيكاتسيالىق تەحنولوگيالارىن ەنگىزۋ (قازىرگى زامانعى ءبىلىم بەرۋ تەحنولوگيالارىن تيىمدى قولدانۋ, 1 كومپيۋتەرگە شاققاندا كەلەتىن وقۋشى سانى, ينتەرنەتكە قوسىلۋ, جاڭا موديفيكاتسياداعى پاندىك كابينەتتەرمەن قامتاماسىز ەتىلۋ ۇلەسى);
2) ساپالى ءبىلىم بەرۋدى قامتاماسىز ەتۋ (جالپى ورتا ءبىلىم تۋرالى «التىن بەلگى» اتتەستاتىن العان تۇلەكتەر ۇلەسى, جالپى ورتا ءبىلىم تۋرالى ۇزدىك اتتەستاتىن العان وقۋشىلار ۇلەسى, قوسىمشا ءبىلىم بەرۋمەن قامتىلعان وقۋشىلار ۇلەسى);
3) بىلىم بەرۋ پروتسەسىن كادرلارمەن قامتاماسىز ەتۋ (5 جىلدا 1 رەت پەداگوگتاردىڭ بىلىكتىلىك ارتتىرۋ كۋرسىنان ءوتۋى, اقپاراتتىق كوممۋنيكاتسيالىق تەحنولوگيالاردى قولدانۋ جانە دەڭگەيلىك باعدارلامالار بويىنشا بىلىكتىلىك ارتتىرۋ كۋرسىنان وتكەن پەداگوگتاردىڭ ۇلەسى, جاراتىلىستانۋ-ماتەماتيكالىق باعىتتاعى پاندەردى اعىلشىن تىلىندە وقىتاتىن پەداگوگتاردىڭ ۇلەسى, اعىمداعى جىلى ءبىلىم بەرۋ ۇيىمىنا جۇمىس ىستەۋگە كەلگەن جاس ماماندار ۇلەسىنىڭ سەرپىنى, جوعارى جانە ءبىرىنشى ساناتتاعى پەداگوگتاردىڭ ۇلەسى, اۋداندىق (قالالىق), وبلىستىق, رەسپۋبليكالىق, حالىقارالىق كونفەرەنتسيالارعا, سەمينارلارعا, فورۋمدارعا, كورمەلەرگە, بايقاۋلارعا, پەداگوگيكالىق وقۋلارعا قاتىسۋشى پەداگوگتاردىڭ ۇلەسى, ەكسپەريمەنتتىك, زەرتتەۋ, قولدانبالى جۇمىستارعا, عىلىمي جوبالارعا, باعدارلامالارعا, وقۋ جانە ادىستەمەلىك باسىلىمدارعا ساراپتاما جاساۋعا قاتىسۋى, اۆتورلىق وقۋ قۇرالدارىنىڭ, باعدارلامالارىنىڭ, عىلىمي ازىرلەمەلەرىنىڭ, باسىلىمدارىنىڭ بار بولۋى, وزىق پەداگوگيكالىق تاجىريبە ەنگىزۋ, وقۋشىلاردىڭ كاسىبي باعدارىن دياگنوستيكالاۋ قابىلەتىن قامتاماسىز ەتۋ);
4) ماتەريالدىق-تەحنيكالىق قامتاماسىز ەتۋ, ءبىلىم بەرۋ ۇيىمىن جاراقتاندىرۋ جانە جابدىقتاۋ (قارجىلاندىرۋدىڭ تيىمدىلىگى جانە ناتيجەلىلىگى, قاراجاتتى ءبولۋدىڭ ۇتىمدىلىعى جانە تەپە-تەڭدىگى);
5) ءبىلىم الۋشىلاردىڭ دەنساۋلىعىن ساقتاۋ ءۇشىن جاعداي جاساۋ, وقۋ-تاربيە پروتسەسىنە قاتىسۋشىلاردىڭ قاۋىپسىزدىگىن قامتاماسىز ەتۋ جانە ەڭبەگىن قورعاۋعا جاعداي جاساۋ ء(بىلىم بەرۋ ۇيىمدارىندا ءبىلىم الۋشىلاردى سپورت سەكتسيالارىنىڭ قىزمەتىمەن قامتۋ, تۇرمىس جاعدايى ناشار وتباسىنان شىققان بالالاردى ىستىق دارۋمەندى تەگىن تاماقپەن قامتاماسىز ەتۋ, بالالار اۋرۋلارىنىڭ ديناميكاسى, وقىتۋ جاعدايىنىڭ سانيتاريالىق ەرەجەلەر مەن نورمالارعا سايكەستىگى, مەكتەپ ينسپەكتورى, پسيحولوگتار مەن الەۋمەتتىك پەداگوگ لاۋازىمىنىڭ شتاتتا, تۋرنيكەتتەر مەن بەينەباقىلاۋ كامەرالارىنىڭ بولۋى, مەكتەپىشىلىك جانە جاسى كامەلەتكە تولماعاندار ءىسى جونىندەگى ينسپەكتسيانىڭ ەسەبىندە تۇراتىن وقۋشىلار سانىنىڭ ۇلەسى);
6) پەداگوگتار مەن باسشىلاردىڭ كاسىپتىك جانە جەكە ءوزىن-ءوزى كوتەرۋى ءۇشىن جاعداي جاساۋ ء(بىلىم بەرۋ ۇيىمىندا اقپاراتتىق-ادىستەمەلىك كەڭىستىكتىڭ بار بولۋى, پەداگوگتاردى اقپاراتتىق-كوممۋنيكاتسيالىق تەحنولوگيامەن قامتاماسىز ەتۋ, مۇعالىمدەردىڭ كاسىبي قىزمەتىندەگى ساپالى وزگەرىستەردى زەرتتەۋ مونيتورينگىسىنىڭ ناتيجەسى);
7) ينكليۋزيۆتىك ءبىلىم الۋعا جاعداي جاساۋ ء(بىلىم بەرۋ ۇيىمىنا بەكىتىلگەن شاعىن اۋداندا تۇراتىن جالپى بالا سانىنان ينكليۋزيۆتىك ءبىلىم بەرۋمەن قامتىلعان, ەرەكشە قاجەتتىلىكتى تالاپ ەتەتىن بالا ۇلەسى);
8) سوڭعى ءۇش جىل ىشىندەگى وقۋشىلاردىڭ وقۋ رەيتينگتىك جوعارى كورسەتكىشتەرى, ورتا ءبىلىم بەرەتىن ۇيىمنىڭ ەرەكشە ميسسياسى (جالپى ءبىلىم بەرەتىن وقۋ باعدارلامالارىن تابىستى مەڭگەرگەن وقۋشىلار ۇلەسىنىڭ سەرپىنى);
9) ءبىلىم بەرۋ ساپاسىن باسقارۋ (وقۋشىلار مەن اتا-انالار قاجەتتىلىگىنىڭ ءبىلىم بەرۋ مونيتورينگىسىنىڭ ناتيجەسى نەگىزىندە باسقارۋشىلىق شەشىمدەر قابىلداۋ, ءبىلىم بەرۋ ۇيىمىنىڭ قامقورشىلىق كەڭەسى قىزمەتىنىڭ ناتيجەلىلىگى);
10) بىلىم ساپاسىن ىشكى جانە سىرتقى باعالاۋدىڭ ناتيجەلەرى (وقۋ جەتىستىكتەرىن سىرتقى باعالاۋ, ۇلتتىق بىرىڭعاي تەستىلەۋ جانە حالىقارالىق زەرتتەۋلەر راسىمدەرىنىڭ ناتيجەسى, وقۋشىلاردىڭ فۋنكتسيونالدىق ساۋاتتىلىعىن, ماتەماتيكالىق, جاراتىلىستانۋ-عىلىمي جانە وقۋ ساۋاتتىلىعىن دامىتۋ جانە قالىپتاستىرۋ كريتەريلەرى, وبلىستىق, رەسپۋبليكالىق جانە حالىقارالىق وليمپيادالار مەن وقۋشىلاردىڭ عىلىمي جارىستارىنىڭ جۇلدەگەر وقۋشىلارىنىڭ ۇلەسى);
11) حالىقارالىق ىنتىماقتاستىقتى جۇزەگە اسىرۋ (حالىقارالىق
ۇيىمدارمەن جاسالعان شارتتار سانى, حالىقارالىق جوبالارعا قاتىسقان وقۋشىلار مەن پەداگوگتار ۇلەسى).
12. كونكۋرستىڭ I كەزەڭىنىڭ قورىتىندىسى بويىنشا كونكۋرستىق كوميسسيا وبلىستىق (استانا جانە الماتى قالالارىنىڭ) دەڭگەيدەگى كونكۋرستىق كوميسسيانىڭ قاراۋىنا ماتەريالداردى, سونداي-اق مەكتەپ اتاۋلارىن كورسەتە وتىرىپ, اۋداندىق (قالالىق) كونكۋرستىق كوميسسيا وتىرىسىنىڭ حاتتاماسىنان ءۇزىندى كوشىرمە جولدايدى.
13. گرانت بەرۋ جونىندەگى كونكۋرستىق كوميسسيالاردىڭ وتىرىستارى ەگەر وعان قۇرامىنىڭ كەمىندە ۇشتەن ەكىسى قاتىسسا, زاڭدى دەپ سانالادى.
14. داۋىس بەرۋ ناتيجەسى كوميسسيا مۇشەلەرىنىڭ كوپشىلىك داۋىسىمەن انىقتالادى. كوميسسيا مۇشەلەرىنىڭ داۋىسى تەڭ بولعان جاعدايدا توراعانىڭ داۋىسى شەشۋشى داۋىس بولىپ تابىلادى.
15. بىلىم بەرۋ ۇيىمدارى كونكۋرسقا قاتىسۋ ءۇشىن كونكۋرستىق كوميسسياعا مىناداي قۇجاتتاردى:
1) كونكۋرسقا قاتىسۋعا ءوتىنىمدى;
2) وسى قاعيدالاردىڭ 11-تارماعىندا كورسەتىلگەن ولشەمدەرگە سايكەس ءتيىستى ماتەريالداردى تاپسىرادى.
وتىنىمدەر نىسانىن جەرگىلىكتى اتقارۋشى ورگاندار بەلگىلەيدى.
16. كونكۋرستىق كوميسسيانىڭ قاراۋىنا قابىلداۋدىڭ بەلگىلەنگەن مەرزىمىندە تاپسىرىلعان قۇجاتتار «گرانتتار كونكۋرسى» دەگەن بەلگى قويىلعان كونۆەرتتە قابىلدانادى.
17. قۇجاتتارىن قۇجاتتار قابىلداۋدىڭ بەلگىلەنگەن مەرزىمىنەن كەش ۇسىنعان ءبىلىم بەرۋ ۇيىمدارى كونكۋرسقا قاتىسۋعا جىبەرىلمەيدى.
18. تيىستى دەڭگەيدىڭ كونكۋرستىق كوميسسياسى ۇسىنىلعان قۇجاتتار نەگىزىندە كونكۋرسقا قاتىسۋشىلاردى تىركەۋدى جۇرگىزەدى.
19. كونكۋرستىق كوميسسيا ۇسىنىلعان ماتەريالداردى قاراۋ نەگىزىندە جەڭىمپازدى انىقتايدى جانە گرانت بەرۋ تۋرالى شەشىم قابىلدايدى.
20. ار دەڭگەيدەگى كونكۋرستىق كوميسسيانىڭ شەشىمى حاتتامامەن رەسىمدەلەدى, داۋىس بەرۋگە قاتىسقان كوميسسيا توراعاسى, توراعانىڭ ورىنباسارى, حاتشى جانە مۇشەلەرى قول قويادى.
21. كونكۋرس جەڭىمپازدارى «ورتا ءبىلىم بەرەتىن ۇزدىك ۇيىم» كونكۋرسىنىڭ لاۋرەاتى» اتتى ارنايى قۇرمەت ديپلومىمەن جانە گرانت العانى تۋرالى سەرتيفيكاتپەن ماراپاتتالادى.
ديپلوم مەن سەرتيفيكاتتىڭ نىساندارىن جەرگىلىكتى اتقارۋشى ورگاندار بەكىتەدى.
22. گرانتتى تولەۋ كونكۋرستىق ىرىكتەۋ قورىتىندىسى بويىنشا جەرگىلىكتى اتقارۋشى ورگانداردىڭ شەشىمىمەن جەرگىلىكتى بيۋدجەت قاراجاتى ەسەبىنەن جۇزەگە اسىرىلادى.
23. گرانت مولشەرى ەڭ تومەنگى جالاقىنىڭ سەگىز ءجۇز ەسەلەنگەن مولشەرىن قۇرايدى.
24. كونكۋرستىق نەگىزدە «ورتا ءبىلىم بەرەتىن ۇزدىك ۇيىم» گرانتىن العان مەملەكەتتىك ورتا ءبىلىم بەرۋ مەكەمەلەرى گرانتتى ءبىلىم بەرۋ ۇيىمدارىنىڭ ماتەريالدىق-تەحنيكالىق جاراقتاندىرىلۋىن جاقسارتۋعا جانە ءبىلىم بەرۋ پروتسەسىن عىلىمي-ادىستەمەلىك قامتاماسىز ەتۋگە جۇمسايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10178 بولىپ ەنگىزىلدى.