قوستاناي. 2 شىلدە. قوستاناي ديقاندارى ءۇشىن وبلىس ورتالىعىنىڭ ىرگەسىندەگى «زارەچنىي» تاجىريبە شارۋاشىلىعىنىڭ ەگىن القابىندا ەگىنجاي كۇنى ءوتتى. بۇل تۋرالى egemen.kz ءتىلشىسى حابارلادى.
ديقاندار ءۇشىن بۇل شارا جىل سايىن ءداستۇرلى وتەدى. وعان اۋدان اكىمدەرى, ءىرى شارۋاشىلىقتار باسشىلارى قاتىستى. الدىمەن وبلىس اكىمىنىڭ ورىنباسارى بازىل جاقىپوۆ ەگىن شارۋاشىلىعىنىڭ بۇگىنگى جاي-جاپسارى تۋرالى بايانداما جاسادى. ديقانداردىڭ بيىلعى باس قوسۋى نەگىزىنەن كۇزگى استىق جيناۋ ناۋقانىنا دايىندىققا ارنالدى. ويتكەنى وتكەن جىلى كۇزدىڭ جاڭبىرلى بولۋىنا وراي, وبلىستا كوپتەگەن شارۋاشىلىقتار استىعىن جيناپ ۇلگەرگەن جوق. اۋا رايى بيىل دا بولجاپ بولمايس قۇبىلىپ تۇر. كوكتەمگى دالا جۇمىستارىنىڭ دا وتە قيىندىقپەن, كەشىگىپ وتكەنى بەلگىلى. وتكەن جىلى استىق كەپتىرگىشى بار شارۋاشىلىقتار كوپ قتيىندىق كورگەن جوق, بيدايدى كەپتىرىپ الدى. وبلىستا بۇگىندە 235 استىق كەپتىرگىش بار, ءالى دە 75 وسىنداي جابدىق كەرەك. وبلىس بويىنشا استىق جيناۋ ناۋقانى باستالاتىن تامىز ايىنىڭ اياعىنا دەيىن 11,5 مىڭ كومباين جوندەلۋى قاجەت.
وتكەن جىلعى كۇز بەن بيىلعى كوكتەم ديقاننىڭ ەڭبەگىنىڭ قايتارىمى تەحنيكاعا تاۋەلدى ەكەنىن كورسەتتى. بيىل بەس ايدىڭ ىشىندە اۋىل شارۋاشىلىقتار 508 تەحنيكا العان, بۇل وتكەن جىلدىڭ وسى مەرزىمىمەن سالىستىرعاندا 3,7 ەسە كوپ.
وبلىس اكىمى نۇرالى سادۋاقاسوۆ: «شارۋاشىلىقتار تەحنيكامەن, كەرەكتى جابدىقتارمەن جابدىقتالعان بولسا, اۋا رايىنىڭ قولايسىز كەزىنە تاپ بولعان كوكتەمگى دالا جۇمىستارى جانە كۇزگى جيىن-تەرىن كەزىندە مۇمكىندىك تاۋىپ, تىعىرىقتان شىعادى, شىعىنى از بولادى. مۇنى جىل ا كورىپ ءجۇرمىز. سوندىقتان استىق جيناۋ ناۋقانى الدىندا ءوز مۇمكىندىكتىرەمىزدى تاعى دا پىسىقتاپ الۋ ماقساتىمەن ەگىنجاي كۇنىنە جينالىپ وتىرمىز. بۇگىندە اۋىل شارۋاشىلىعىندا پروبلەما تەك تەحنيكا عانا ەمەس, ءتۇرلى وزەكتى ماسەلەلەر بار. سونىڭ ءبىرى قارجى ماسەلەسى. الايدا مەملەكەتتىك قارجى ينستيتۋتتارى جۇمىس ىستەۋدە. تەك شىلدە ايىنىڭ وزىندە ديقاندار 7,8 ميلليارد تەڭگەنى يگەرۋى ءتيىس. بۇل ەشقاشان بولماعان كومەك. ال جىل بويى 18 ميلليارد تەڭگە جۇمسالادى. بۇل وتە كوپ قارجى» دەدى.
ەگىنجاي كۇنىندە «كازنيمەسح» جانە «ۋرال لتد» جاۋاپكەرشىلىگى شەكتەۋلى سەرىكتەستىكتەرى قازاقستاندىق جانە رەسەيدىڭ, بەلورۋستىڭ ۋكراينىڭ, تاتارستاننىڭ, پولشانىڭ, ءتىپتى سەربيانىڭ اۋىل شارۋاشىلىعى تەحنيكالارىن ۇسىندى. «كيروۆەتس» تراكتورىن شىعاراتىن پەتەربۋرگ تراكتور زاۋىتى سوڭعى ءۇش جىلدا قوستانايلىق ديقاندارعا ديقانداردىڭ باستى تەحنيكاسىن ۇسىنىپ كەلەدى. بۇرىن ديللەر بولىپ كەلگەن اتالمىش فيرما, قازىر دەستريبيۋتەر مارتەبەسىن الدى. قازىر رەسپۋبليكا بويىنشا ءوزى ديللەرلىك جەلىسىن تاراتىپ, سەرۆيستىك ورتالىققا اينالدى. ەگىنجاي كۇنىندە ايتىلعانداي, ەڭ باستى ماقسات بۇگىندە شارۋاشىلىقتاردى وزىق تەحنيكامەن قامتاماسىز ەتۋ بولىپ وتىر.
ءنازيرا جارىمبەتوۆا.
دەرەك, سۋرەت: egemen.kz