الماتى. 2 شىلدە. نيۋ-يورك سوتى شتاتتان سايلانعان سەناتور, دەموكرات مالكولم سميتكە (Malcolm Smith) سايلاۋ كەزىندە داۋىس جيناۋدىڭ قىلمىستىق جۇيەسىن جاساعان دەگەن ايىپ تاعىپ, 7 جىل تۇرمەگە وتىرعىزدى. بۇل تۋرالى Wall Street Journal حابارلادى.
قالا سوتى ايعاقتاعانداي, سميت 2013 جىلى نيۋ-يورك مەرىنىڭ قىزمەتى ءۇشىن سايلاۋعا قاتىسقان كەزىندە, ءوزىنىڭ مۇددەلەستەرى – دەموكراتتار پارتياسىنىڭ مۇشەلەرىنە ءىرى كولەمدە پارا بەرگەن. ەكس-كانديداتتىڭ بەرگەن پاراسى 200 مىڭ اقش دولارى كولەمىندە بولعانى دا انىقتالدى.
اقش فەدەرالدى تەرگەۋ بيۋروسى (FBI) مالكولم ءسميتتى 2013 جىلدىڭ باسىندا تۇتقىنداعان. ونىڭ پارتيالاس بەس ارىپتەسىنىڭ ىشىندە نيۋ-يورك قالاسى كەڭەسىنىڭ مۇشەسى دەن حەللوران (Dan Halloran) دا بار. ەندى قىلمىستى دەپ تابىلعان پارتيالاس توپ مۇشەلەرى تۇرمەدە 3 جىلدان 10 جىلعا دەيىن جازاسىن وتەيتىن بولادى.
تالعات ءسۇيىنباي.
دەرەك, سۋرەت: Wall Street Journal.