جاڭا وقۋ جىلىنىڭ باستالۋىنا بىرنەشە كۇن قالدى. بيىلعى 2015-2016 وقۋ جىلىنداعى وقۋ بارىسىندا 4, 5, 6 ءجانە 11-سىنىپتارعا ارنالعان قايتا شىعارىلعان وقۋلىقتار پايدالانىلاتىن بولادى. ول وقۋلىقتاردى جەرگىلىكتى اتقارۋشى ورگانداردىڭ ساتىپ الۋى ءۇشىن وڭىرلىك بيۋدجەتتەن شامامەن 13 ملرد. تەڭگە ءبولىندى. وبلىستىق جانە استانا مەن الماتى قالالارىنىڭ ءبىلىم باسقارمالارىنان الىنعان اقپاراتقا سايكەس, بۇگىندە ەلىمىزدىڭ بارلىق وڭىرلەرىنە جاڭا وقۋلىقتار تاراتىلدى. ال 1, 2, 3, 7, 8, 9, 10-سىنىپ وقۋشىلارىن الدىڭعى جىلدارى شىققان وقۋلىقتارمەن قامتاماسىز ەتۋ مەكتەپ كىتاپحانالارىنىڭ قورىنان جوسپارلى تۇردە جۇزەگە اسىرىلادى.
قازىرگى ۋاقىتتا رەسپۋبليكانىڭ بارلىق مەكتەپتەرىندە وقۋشىلارعا وقۋلىق تاراتۋ ءجۇرگىزىلىپ جاتىر. سونىمەن بىرگە, قوسىمشا ءبىلىم بەرۋ ادەبيەتتەرىن (جۇمىس داپتەرلەرى, اتلاستار, كونتۋرلىق كارتالار جانە ت.ب.) اتا-انالار ءوز قاراجاتتارىنا كىتاپ دۇكەندەرىنەن ساتىپ الاتىنىن اتاپ وتكەن ءجون. وقۋ جىلىنىڭ باسىندا دۇرلىگىس بولماۋ ءۇشىن وقۋشىلار مەن ولاردىڭ اتا-انالارىنا وقۋلىقتاردى, سونداي-اق, قوسىمشا ادەبيەتتەردى جانە مەكتەپ جابدىقتارىن دۇكەننەن ساتىپ الۋدى كەشىكتىرمەۋلەرىڭىزدى وتىنەمىز.
ءبىلىم جانە عىلىم سالاسىنداعى باقىلاۋ كوميتەتىنىڭ جانە ونىڭ وڭىرلىك دەپارتامەنتتەرىنىڭ ينتەرنەت-رەسۋرستار دا وقۋلىقتاردىڭ ساپاسى مەن مەكتەپتەرگە جەتكىزۋ بويىنشا جۇرتشىلىقپەن كەرى بايلانىس ورناتۋ ماقساتىندا جەدەل جەلىلەر قوسىلادى. اتاپ ايتقاندا, بعسبك سايتىنداعى «ازاماتتاردى قابىلداۋ» بولىمىندە «وقۋلىق- 2015» چاتى ورنالاستىرىلعان, سول جەرگە پىكىرلەرىڭىز بەن ۇسىنىستارىڭىزدى قالدىرا الاسىزدار, دەپ حابارلايدى اتا-انالارعا ءبىلىم جانە عىلىم مينيسترلىگىنىڭ ءباسپاسوز قىزمەتى.