استانا. 26 تامىز. بۇگىن «استانا» فۋتبول كومانداسى ۋەفا چەمپيوندار ليگاسى ىرىكتەۋ ءتۋرنيرىنىڭ پلەي-وفف باسەكەسى شەڭبەرىندە قارىمتا كەزدەسۋىن وتكىزەدى. اتالعان سىندا ەلوردالىقتاردىڭ قارسىلاسى كيپردىڭ اپوەل كومانداسى ەكەنى بەلگىلى. بۇل تۋرالى egemen.kz حابارلادى.
كيپردىڭ نيكوسيا قالاسىندا وينالاتىن ويىن استانا ۋاقىتىمەن ساعات 00:45-تە باستالادى. ماتچتى «تاڭ» تەلەارناسى تىكەلەي ەفيردە كورسەتەدى. سونداي-اق, استانا قالاسىنىڭ اكىمدىگى شاھارداعى «قازمەديا» ورتالىعىنىڭ الدىندا ورنالاسقان ۇلكەن ەكراندار ارقىلى دا ونلاين-كورسەتىلىمدەر ۇيىمداستىرۋدى كوزدەپ وتىر.
قوس كوماندا اراسىنداعى العاشقى ويىندا «استانا» 1:0 ەسەبىمەن جەڭىسكە جەتكەن ەدى. «استانا ارەنا» سپورت كەشەنىندە وتكەن سول كەزدەسۋدە سوعىلعان جالعىز گول باۋىرجان جولشيەۆتىڭ اتىنا جازىلدى. سوندىقتان بۇگىنگى ماتچتا ءبىزدىڭ كومانداعا توپتىق سايىسقا جولداما الۋ ءۇشىن كەز كەلگەن تەڭ ناتيجە جەتكىلىكتى.
سونىمەن قاتار, بۇگىن اپوەل – «استانا» ويىنىنان بولەك, تۋرنير شەڭبەرىندە تاعى ءتورت قارىمتا كەزدەسۋ وتەدى. ول سىندا مىنا كوماندالار تارتىسقا تۇسەدى:
«پارتيزان» (بەلگراد, سەربيا) – باتە (بوريسوۆ, بەلارۋس)
«بايەر» (لەۆەركۋزەن, گەرمانيا) – «لاتسيو» (ريم, يتاليا)
«بريۋگگە» (بريۋگگە, بەلگيا) – «مانچەستەر يۋنايتەد» (مانچەستەر, انگليا)
تسسكا (ماسكەۋ, رەسەي) – «سپورتينگ» (ليسسابون, پورتۋگاليا)
ايتا كەتەيىك, وتكەن تۇندە ىرىكتەۋ ءتۋرنيرى ارقىلى چەمپيوندار ليگاسىنىڭ توپتىق سايىسىنا جولداما العان العاشقى بەس كوماندا بەلگىلى بولدى. ول تۋرالى مىنا جەردەن بىلە الاسىزدار.
ەلامان قوڭىر.
دەرەك: egemen.kz.
سۋرەت: footboom.kz.