استانا. 25 تامىز. تاجىكستاننىڭ استاناسى – دۋشانبە قالاسىنىڭ تۇرعىنى امير يساەۆ دوستارىمەن بىرگە تۋعان كۇنىن اتاپ وتكەنى ءۇشىن اقشالاي ايىپ تولەۋگە ءماجبۇر بولدى. بۇل تۋرالى ras.kz حابارلادى.
جاس جىگىت 25 جاسقا تولعانىن جولداس-جورالارىنىڭ ورتاسىندا كافەدە تويلايدى. سوڭىنان سونداعى تۇسكەن سۋرەتتەرىنىڭ ءبىرازىن Facebook جەلىسىندەگى پاراقشاسىنا سالادى.
مىنە, وسى سۋرەتتەر قۇقىق قورعاۋ ورگاندارىنىڭ نازارىن اۋدارادى. ولار وسىعان قاراپ, تۋعان كۇن يەسىنىڭ «سالتاناتتاردى تارتىپتەۋ تۋرالى» زاڭنىڭ بۇزعانىنا كوز جەتكىزەدى. ال زاڭدا: «تۋعان كۇندەر ءوز ەرىكتەرىمەن تەك وتباسى شەڭبەرىندە اتاپ وتىلەدى» دەپ جازىلعان ەكەن.
سوندىقتان امير كافەدە داستارحان جايىپ, مەيماندارىن تورتپەن سىيلاعانى ءۇشىن... 4 مىڭ سوموني (شامامەن 633 دوللار) كولەمىندە ايىپقا تارتىلادى.
يساەۆ سوتتا مۇنىڭ توي بولماعانىن دالەلدەپ باعادى. ول كەلۋشىلەردىڭ ارقايسىسى داستارحان ءۇشىن وزدەرى اقشا تولەگەنىن ايتادى. سونداي-اق وعان ەشكىم سىيلىق اكەلمەپتى.
الايدا, سۋديا بۇل دالەلدەردىڭ ءبارىن تانگە الماپتى.
ال الگىندەگىدەي قىزىق زاڭ 2007 جىلى پرەزيدەنت ەمومالي راحموننىڭ باستاماسى بويىنشا قابىلدانعان ەكەن. ول رەسپۋبليكا تۇرعىندارىنىڭ وسىنداي شاعىن تويلار وتكىزۋ ءۇشىن بانكتەن كرەديت الىپ, ونى وتەي الماي جۇرەتىندىكتەرىنە قاراي قابىلدانىپتى. وسى زاڭعا سايكەس, سالتاناتقا كەلۋشىلەر سانىنا, تاعامىنا شەك قويىلعان.
تالعات رايىمبەك.