ايگىلى «تۆەن پيكس» سەريالىنىڭ جالعاسى تۇسىرىلمەك

استانا. 16 مامىر. ءدىني رەجيسسەر دەۆيد لينچ «تۆەن پيكس» سەريالىنىڭ جالعاسىن تۇسىرەتىنىن جاريالادى. بۇل تۋرالى ريا "نوۆوستي" حابارلادى. رەجيسسەر Twitter الەۋمەتتىك جەلىسىندەگى جەكە پاراقشاسىنا: «مەن كورەرمەندەردىڭ ەڭ سۇيىكتى سەريالىنا اينالعان «تۆەن پيكس» كينوتۋىندىمدى قايتا قولىما الامىن. ياعني, ايگىلى سەريالدىڭ جالعاسىن تۇسىرەمىن»,– دەپ جازعان. ايتا كەتەيىك, بۇعان دەيىن دەۆيد لينچ قارجى تاپشىلىعىنا بايلانىستى اتالعان كينوتۋىندىنىڭ جالعاسىن تۇسىرۋدەن باس تارتقان بولاتىن. جالپى, «تۆەن پيكس» 34 ميلليون كورەرمەن جيناعان ايگىلى سەريال. ول ەكراننان 1990-1991 جىلدارى كورسەتىلدى. شىم-شىتىرىق وقيعاعا تولى سەريال تۆەن پيكس قالاسىنداعى كامەلەتكە تولماعان بويجەتكەننىڭ قۇپيا ءولىمى جايىندا باياندالادى. سونداي-اق, تەرگەۋشىلەردىڭ قىراعىلىعى مەن كۇدىكتىلەردى ىزدەستىرۋدەگى تاپقىرلىق ارەكەتتەرى سومدالادى. تالعات رايىمبەك. دەرەك, سۋرەت: ريا "نوۆوستي".