ەگيپەتتىڭ ەكس-پرەزيدەنتى مۋحاممەد مۋرسي ءولىم جازاسىنا كەسىلدى

استانا. 16 مامىر. ەگيپەتتىڭ قىلمىستىق سوتى بۇرىنعى پرەزيدەنت مۋحاممەد ءمۋرسيدى ءولىم جازاسىنا كەستى. بۇل تۋرالى ريا «نوۆوستي» حابارلادى. ەكس-پرەزيدەنتتىڭ اتى مەملەكەتكە ساتقىندىق جاساعانداردىڭ تىزىمىندە بولعان جوق. ول ءولىم جازاسىنا 2011 جىلى تۇرمەدەن قاشقانى ءۇشىن كەسىلدى. ەگيپەت سوتى مۋرسيمەن قاتار, «مۇسىلمان باۋىرلار» قوزعالىسىنىڭ بىرقاتار كوشباسشىلارىنا دا ۇكىم شىعاردى. ولاردىڭ بارلىعى مەملەكەتكە ساتقىندىق جاساعانى جانە شەت ەلدىڭ پايداسىنا تىڭشىلىقپەن اينالىسقانى ءۇشىن ايىپتالعان. ودان بولەك, 2011 جىلعى قاڭتار كوتەرىلىسى كەزىندە جاپپاي تۇرمەدەن قاشقاندارى ءۇشىن جاۋاپقا تارتىلعان. سول كەزدە تۇرمەدەن 106 ادام قاشقانىن ايتا كەتەيىك. ەلامان قوڭىر. دەرەك: ريا «نوۆوستي». سۋرەت: rt.com.