جوعارى ەۋرازيالىق ەكونوميكالىق كەڭەستىڭ كەڭەيتىلگەن قۇرامداعى كەزەكتى وتىرىسىندا مەملەكەت باسشىسى اتاپ وتكەندەي, ەۋرازيانىڭ كولىك جۇيەسى ازيا, ەۋروپا جانە تاياۋ شىعىستىڭ باستى نارىقتارىن بايلانىستىراتىن جوعارى تەحنولوگيالىق حالىقارالىق باعىتتاردان قۇرالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتتىڭ ايتۋىنشا, بۇل ارادا جالپى ۇزىندىعى 50 مىڭ شاقىرىمنان اساتىن كولىك دالىزدەرىنىڭ تۇتاس جۇيەسى تۋرالى ءسوز بولىپ وتىر. ونىڭ 10 مىڭ شاقىرىمنان استامى قازاقستان اۋماعى ارقىلى وتەدى.
«جاھاندىق ساۋدا-ەكونوميكا تىزبەگىندەگى جەتەكشى ورنىمىزدى ساقتاۋ ءۇشىن ترانسشەكارالىق ينفراقۇرىلىمدى ودان ءارى دامىتۋ جانە تسيفرلاندىرۋ قاجەت. ىڭعايلى لوگيستيكالىق شەشىمدەر, جۇكتى تۇراقتى جەتكىزۋ مەن وتكىزۋ جىلدامدىعى ەۋرازيالىق ەكونوميكالىق وداقتاعى ترانزيت كولەمىن ۇلعايتۋعا مۇمكىندىك بەرەدى. سوندىقتان وتكەن جىلدىڭ سوڭىندا ءبىز Smart Cargo سەكىلدى قۇرالداردى جۇيەلى تۇردە ەنگىزە باستادىق», دەدى پرەزيدەنت.
29 مامىر – ەۋرازيالىق ەكونوميكالىق وداق كۇنى بولىپ رەسمي تۇردە جاريالاندى
مەملەكەت باسشىسى اتاپ وتكەندەي, ء«بىر تەرەزە» قاعيداتىمەن قىزمەت ەتەتىن پلاتفورما اياسىندا كولىك دالىزدەرىن تسيفرلاندىرۋ جۇمىستارى قولعا الىندى.
«قازاقستاندا كورشى ەلدەرمەن رۇقساتنامانى ەلەكتروندىق بلانكى فورماتىندا الماسۋ مەحانيزمى ەنگىزىلدى. وداق اياسىنداعى اقپاراتتىق جۇيەلەردى ءوزارا كىرىكتىرۋ – ۋاقىت تالابى. وسى ورايدا ەۋرازيالىق ەكونوميكالىق كوميسسيا ۇلتتىق سەرۆيستەردىڭ تسيفرلىق «سورەسىن» جاساقتاۋدى قولعا الدى. بۇل – وتە وزەكتى. اتالعان ۇدەرىستى جەدەلدەتىپ, ەاەو تسيفرلىق كولىك دالىزدەرىنىڭ تولىققاندى ەكوجۇيەسىن قالىپتاستىرۋ قاجەت دەپ ويلايمىن. وسى باعىتتا كۇش-جىگەرىمىزدى بىرىكتىرسەك, ەۋرازيانىڭ جوعارى تەحنولوگيالى كولىك حابىن قۇرۋعا ابدەن بولادى», دەدى قاسىم-جومارت توقاەۆ.
پرەزيدەنت: قازاقستان تەحنولوگيانى نەتتو-ەكسپورتتاۋشى مارتەبەسىن دالەلدەدى