قازاقستانداعى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ فيليالىنا بيىل 25 جىل تولىپ وتىر. تمد كەڭىستىگىندەگى العاشقى شەتەلدىك فيليال رەتىندە اشىلعان وقۋ ورنى بۇگىندە ەلىمىزدەگى ەڭ بەدەلدى جوعارى وقۋ ورىندارىنىڭ ءبىرى, دەپ جازادى Egemen.kz.
شيرەك عاسىر ىشىندە ۋنيۆەرسيتەت 2 700-گە جۋىق مامان دايارلاپ شىعارعان. تۇلەكتەردىڭ باسىم بولىگى قازىر عىلىم, ءبىلىم بەرۋ, مەملەكەتتىك قىزمەت پەن بيزنەس سالاسىندا جەتەكشى قىزمەتتەر اتقارىپ ءجۇر.
ەۇۋ رەسەيدىڭ جەتەكشى ۋنيۆەرسيتەتتەرىمەن ىنتىماقتاستىعىن كەڭەيتەدى
ۋنيۆەرسيتەت باسشىلىعىنىڭ ايتۋىنشا, حالىقارالىق ءبىلىم بەرۋ نارىعى كەڭەيىپ, شەتەلدىك جوعارى وقۋ ورىندارىنىڭ سانى ارتقانىنا قاراماستان, ممۋ فيليالىنا دەگەن قىزىعۋشىلىق تومەندەگەن جوق. كەرىسىنشە, سوڭعى جىلدارى تالاپكەرلەر اراسىنداعى باسەكە 2 ەسەگە ارتقان.
قازاقستانداعى ممۋ فيليالىنىڭ ديرەكتورى الەكساندر سيدوروۆيچ وقۋ ورنىنىڭ جوعارى اكادەميالىق دەڭگەيى ساقتالعانىن اتاپ ءوتتى.
«فيليال وسىدان 25 جىل بۇرىن ۆلاديمير ءپۋتيننىڭ تىكەلەي قولداۋىمەن اشىلدى. بۇل – پوستكەڭەستىك كەڭىستىكتەگى رەسەي ۋنيۆەرسيتەتىنىڭ العاشقى فيليالى. ونىڭ ۇستىنە, وقۋ ورنى قازاقستاننىڭ باستاماسىمەن قۇرىلعان ەدى. وسى ۋاقىت ىشىندە ءبىز ماسكەۋ ۋنيۆەرسيتەتىنىڭ دەڭگەيىنە ساي ءبىلىم بەرۋ ساپاسىن قامتاماسىز ەتە الدىق. مۇندا ءتۇسۋ دە, وقۋ دا وڭاي ەمەس. سوعان قاراماستان تالاپكەرلەر سانى ازايماي وتىر», دەدى ول.
بۇگىندە ممۋ فيليالى جوعارى تالاپپەن ىرىكتەۋ جۇرگىزەتىن, اكادەميالىق دايارلىعى مىقتى وقۋ ورىندارىنىڭ قاتارىندا سانالادى.
ەسكە سالايىق, قاسىم-جومارت توقاەۆ پەن ۆلاديمير پۋتين «سيريۋس» مەكتەبىنىڭ كاپسۋلاسىن سالۋ راسىمىنە قاتىستى.