قازاقستان مەن رەسەيدىڭ اۋىل شارۋاشىلىعى مينيسترلىكتەرى اراسىنداعى ارىپتەستىك ودان ءارى نىعايىپ كەلەدى. ەكى ەل اراسىنداعى كەلىسىمدەر شەگىرتكە زيانكەستەرىنە قارسى كۇرەس شارالارىن كۇشەيتۋگە مۇمكىندىك بەرىپ وتىر, دەپ حابارلايدى Egemen.kz.
ەكى ەلدىڭ وكىلدەرى جىل سايىن مامىر, ماۋسىم جانە شىلدە ايلارىندا شەكارالاس اۋماقتارعا بىرلەسكەن تەكسەرىس جۇرگىزەدى. بۇل ەكى ەلدىڭ بيولوگيالىق جانە فيتوسانيتارلىق قاۋىپسىزدىگىن قامتاماسىز ەتە وتىرىپ, شەگىرتكەلەردىڭ ميگراتسياسىنىڭ الدىن الادى. سونداي-اق كارانتيندىك زيانكەستەر بويىنشا دا دەرەكتەر الماسىپ, جۇمىس جۇرگىزىلەدى. بۇل پروتسەسس قازىر تولىق اۆتوماتتاندىرىلىپ, تسيفرلاندىرىلعان.
قاسىم-جومارت توقاەۆ پەن ۆلاديمير پۋتين بىرلەسكەن مالىمدەمە قابىلدادى
رەسەي اۋىل شارۋاشىلىعى سالاسىندا قازاقستاننىڭ ەڭ ءىرى ساۋدا سەرىكتەستەرىنىڭ ءبىرى بولىپ قالا بەرەدى. اوك سالاسىنداعى جالپى ساۋدانىڭ شامامەن ۇشتەن ءبىرى وسى ەلدىڭ ۇلەسىنە تيەسىلى. وتكەن جىلدىڭ 9 ايىندا تاۋار اينالىمى 2 ميلليارد 800 ميلليون دوللار بولدى.
«بۇل توقتاپ قالمايتىن ۇدەرىس. سەبەبى رەسەي جاعىندا دا, قازاقستان جاعىندا دا كەيبىر زياندى ورگانيزمدەر كەزدەسەدى. سوندىقتان ءبىز ءبىر-ءبىرىمىزدى بەلگىلى ءبىر ءونىمنىڭ نەمەسە كارانتيندىك وبەكتىنىڭ تارالۋى تۋرالى ۋاقىتىندا حاباردار ەتىپ وتىرۋىمىز كەرەك, ونىمەن ءتيىمدى كۇرەسۋگە مۇمكىندىك بەرەدى. بۇل جۇمىس تۇراقتى جۇرگىزىلىپ كەلەدى. ءبىز ۇنەمى بايلانىستامىز, ءدال 28 مامىر كۇنى بيولوگيالىق قاۋىپسىزدىك جونىندەگى ارىپتەستەرىمىز ماسكەۋگە بارىپ, كارانتيندىك وبەكتىلەرگە قارسى بىرلەسكەن جۇمىس ماسەلەلەرىن تالقىلايدى», دەدى اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتى توراعاسىنىڭ ورىنباسارى مۇرات ىرگەباەۆ.
قازاقستان مەن رەسەي تاۋار اينالىمىن 30 ملرد دوللارعا ۇلعايتادى