جەڭىل اتلەتيكادان حالىقارالىق دارەجەدەگى سپورت شەبەرى, 81 جاستاعى مارافونشى سالتانات تۇيتەباەۆ جوعارى مەملەكەتتىك ماراپاتقا يە بولدى. تۋريزم جانە سپورت ۆيتسە-ءمينيسترى سەرىك جاراسباەۆ ارداگەر سپورتشىعا «ەڭبەك ارداگەرى» توسبەلگىسىن تابىستاپ, ونىڭ ەل سپورتى مەن قوعام دامۋىنا قوسقان ۇلەسىن ەرەكشە اتاپ ءوتتى, دەپ حابارلايدى Egemen.kz.
بۇل ماراپات جۋىردا وڭتۇستىك افريكا رەسپۋبليكاسىنىڭ كەيپتاۋن قالاسىندا وتكەن حالىقارالىق مارافونداعى تابىستى ونەرىنەن كەيىن بەرىلىپ وتىر. تاجىريبەلى سپورتشى ءوز جاس ساناتىندا ۇزدىك وندىققا ەنىپ, كوپشىلىكتىڭ قۇرمەتىنە بولەندى.
سالتانات تۇيتەباەۆ 1945 جىلى جامبىل وبلىسى مويىنقۇم اۋدانىندا دۇنيەگە كەلگەن. ول ءومىرىنىڭ 45 جىلىن ءبىلىم بەرۋ سالاسىنا ارناپ, ۇستاز, مەكتەپ ديرەكتورى, اۋداندىق ءبىلىم ءبولىمىنىڭ ينسپەكتورى جانە كاسىپتىك-تەحنيكالىق ۋچيليششە جەتەكشىسى قىزمەتتەرىن اتقارعان.
پرەزيدەنت رافاەل گروسسيدى ءى دارەجەلى «دوستىق» وردەنىمەن ماراپاتتادى
كەزدەسۋ بارىسىندا سەرىك جاراسباەۆ ارداگەر سپورتشىنىڭ ءومىر جولى مەن سپورتقا دەگەن ادالدىعى جاستارعا ۇلكەن ۇلگى ەكەنىن ايتتى.
«سەكسەننەن اسقان جاستا مارافون جۇگىرىپ, حالىقارالىق جارىستاردا جوعارى ناتيجە كورسەتۋ – زور ەرىك-جىگەر مەن تاباندىلىقتىڭ بەلگىسى. ءسىز سالاۋاتتى ءومىر سالتىن ناسيحاتتاپ قانا قويماي, كوپشىلىككە ناقتى ونەگە كورسەتىپ كەلەسىز», دەدى ۆيتسە-مينيستر.
سالتانات تۇيتەباەۆ حالىقارالىق مارافونداردا دا جوعارى ناتيجەلەرىمەن تانىلعان. ول سينگاپۋر, دۋباي, دوحا, انتاليا, مالاگا جانە امستەردامدا وتكەن جارىستاردا بىرنەشە رەت جەڭىمپاز اتانعان.
سوڭعى ءۇش جىلدا مادەنيەت سالاسىنىڭ 592 وكىلى مەملەكەتتىك ناگرادالارمەن ماراپاتتالدى
بۇگىندە جاسى سەكسەننەن اسسا دا, سپورتتان قول ۇزبەگەن ارداگەر مارافونشى الەمدىك جارىستاردا قازاقستاننىڭ ابىرويىن اسقاقتاتىپ كەلەدى.