قوستاناي وبلىسىنىڭ رۋدنىي قالاسىندا سوت ورىنداۋشىسىنا پىشاق سىلتەگەن تۇرعىنعا قاتىستى سوت پروتسەسى باستالدى. تەرگەۋ مالىمەتىنشە, ەر ادام 15 جىل بويى اليمەنت تولەۋدەن جالتارىپ كەلگەن, دەپ حابارلايدى Egemen.kz.
اقپان ايىندا بولعان وقيعاعا سوت ورىنداۋشىسى جانسۇلۋ حامزينا مەن بورىشكەر اراسىندا ۇزاققا سوزىلعان داۋ-داماي سەبەپ بولعان. وتكەن جىلدىڭ سوڭىندا سوت ورىنداۋشىسى اليمەنت قارىزى ءۇشىن ەر ادامدى اكىمشىلىك قاماۋعا الدىرتىپ, 2026 جىلدىڭ باسىندا وعان مۇلكىن پايدالانۋعا شەكتەۋ قويعان.
اشۋعا بۋلىققان بورىشكەر سوت ورىنداۋشىسىن جۇمىستان كەيىن اڭدىپ, ىزىنە تۇسكەن. كولىك سالونىنا كىرىپ, ءوزىن جەتكىزىپ سالۋدى تالاپ ەتكەن ول قارسىلىققا تاپ بولعان سوڭ كەراميكالىق پىشاقپەن ايەلدىڭ بەتىن بىرنەشە رەت ءتىلىپ تاستاعان. زارداپ شەككەن ايەل كولىكتەن شىعىپ ۇلگەرىپ, جاقىن ماڭداعى دۇكەنگە بارىپ پوليتسيا شاقىرعان.
تالعاردا تاعى دا قاندى وقيعا: اكەسىنە قۇران باعىشتاماق بولعان جىگىتتى پىشاقتاپ كەتتى
تەرگەۋ ورگاندارى ونىڭ ارەكەتىن سوت ورىنداۋشىسىنىڭ ومىرىنە قول سۇعۋ بابى بويىنشا سارالاعان. ەگەر كىناسى دالەلدەنسە, ايىپتالۋشى 15 جىلدان 20 جىلعا دەيىن باس بوستاندىعىنان ايىرىلۋى نەمەسە ءومىر بويىنا سوتتالۋى مۇمكىن. ءىس القابيلەردىڭ قاتىسۋىمەن قارالادى.
ەسكە سالا كەتەيىك, بۇعان دەيىن اقمولا وبلىسىندا دۇكەن ىشىندە ايەل ادام ساتۋشىعا پىشاق الا جۇگىرگەنىن جازعان ەدىك.