اقتوبەدە ەكونوميكالىق تەرگەپ-تەكسەرۋ دەپارتامەنتىنىڭ ەكى قىزمەتكەرىنە قاتىستى سوت ۇكىمى شىقتى. ەكەۋىنە دە ءومىر بويى مەملەكەتتىك قىزمەتتە جۇمىس ىستەۋگە تىيىم سالىندى, دەپ حابارلايدى Egemen.kz.
سوت الدىندا اعا تەرگەۋشى ەرمەك ماحامبەتوۆ پەن دەر-ءدىڭ ەكىنشى جەدەل باسقارماسى باسشىسىنىڭ ورىنباسارى داۋلەت سارين جاۋاپ بەردى. تەرگەۋ ماتەريالدارىنا سايكەس, ماحامبەتوۆتىڭ وندىرىسىنە قارجى پيراميداسىن قۇردى دەگەن كۇدىكپەن تۇتىنۋ كووپەراتيۆى وكىلىنە قاتىستى ءىس تۇسكەن.
پوليتسيا قىزمەتكەرلەرىنە پارا بەرگەن: گرۋزيادا جاسىرىنعان كاسىپكەر ەلگە قايتارىلدى
ايىپتاۋ نۇسقاسى بويىنشا, تەرگەۋشى كۇدىكتىنى ۇزاق مەرزىمگە سوتتالاتىنىن ايتىپ قورقىتىپ, ءىستى توقتاتۋ ءۇشىن 50 ملن تەڭگە تالاپ ەتكەن. ال سارين پارانى الۋعا دەلدال بولۋعا كەلىسكەن. كەيىن كووپەراتيۆ وكىلى ۇلتتىق قاۋىپسىزدىك كوميتەتىنە جۇگىنىپ, ارنايى وپەراتسيا بارىسىندا ەكى قىزمەتكەر دە ۇستالعان.
سوت ەرمەك ماحامبەتوۆتى پارا الۋعا وقتالدى دەپ تانىپ, 10 جىلعا باس بوستاندىعىنان ايىردى. داۋلەت سارين پاراقورلىققا دەلدال بولدى دەگەن ايىپپەن 2 جىلعا سوتتالدى.
ەندى پارا بەرۋگە ۋادە ەتۋ دە قىلمىس بولىپ سانالادى
سونىمەن قاتار سوت ماحامبەتوۆكە جابىرلەنۋشىگە مورالدىق وتەماقى رەتىندە 2 ملن تەڭگە تولەۋدى مىندەتتەدى.
ازىرگە ۇكىم زاڭدى كۇشىنە ەنگەن جوق.