استانانىڭ «سارىارقا» اۋدانىنىڭ پروكۋراتۋراسى ادام ۇرلاۋ جانە ءوز بەتىنشە بيلىك ەتۋ ءۇشىن قاتاڭ جاۋاپكەرشىلىكتىڭ قاراستىرىلعانىن ەسكە سالادى, دەپ حابارلايدى Egemen.kz.
اتالعان پروكۋراتۋرامەن ورتالىق ازيا مەملەكەتتەرىنىڭ ءبىرىنىڭ التى ازاماتىنا قاتىستى ادام ۇرلاۋ جانە ءوز بەتىنشە بيلىك ەتۋ فاكتىلەرى بويىنشا قىلمىستىق ءىس بويىنشا مەملەكەتتىك ايىپتاۋ قولداۋ تاپتى.
سوت تالقىلاۋى بارىسىندا 2024 جىلعى 9 جەلتوقساندا توپ قاتىسۋشىلارىنىڭ ءبىرى ورىندالماعان قىزمەت ءۇشىن اقشا تالاپ ەتىپ, جابىرلەنۋشىگە كۇش قولدانىپ, ونى 80 مىڭ تەڭگەنى اۋدارۋعا ماجبۇرلەگەنى انىقتالدى.
«كەيىن الدىن الا ءسوز بايلاسقان ادامدار توبى پايداكۇنەمدىك نيەتپەن كۇش قولدانۋ ارقىلى جابىرلەنۋشىنى استانا قالاسىنىڭ اۋماعىندا ۇرلاپ اكەتكەن», دەلىنگەن حابارلامادا.
ەلىمىزدە نەكەگە ماجبۇرلەۋ مەن ادام ۇرلاۋعا قاتىستى زاڭ وزگەرەدى
مەملەكەتتىك ايىپتاۋشىمەن سوتتالۋشىلاردىڭ كىناسىن دالەلدەيتىن جەتكىلىكتى ايعاقتار ۇسىنىلدى.
«استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2026 جىلعى 5 اقپانداعى ۇكىمىمەن بەس ادام الدىن الا ءسوز بايلاسقان ادامدار توبىنىڭ پايداكۇنەمدىك نيەتپەن جاساعان ادام ۇرلاۋ قىلمىسى ءۇشىن 8 جىلعا باس بوستاندىعىنان ايىرىلدى. توپتىڭ ءبىر قاتىسۋشىسى ادام ۇرلاۋعا كومەكتەسكەنى جانە ءوز بەتىنشە بيلىك ەتكەنى ءۇشىن 7 جىل 6 ايعا باس بوستاندىعىنان ايىرىلدى», دەلىنگەن حابارلامادا.
استانا قالاسىنىڭ پروكۋراتۋراسى ادام ۇرلاعانى ءۇشىن زاڭنامادا 15 جىلعا دەيىن, ال ءوز بەتىنشە بيلىك ەتكەنى ءۇشىن 7 جىلعا دەيىن باس بوستاندىعىنان ايىرۋ جازاسى كوزدەلگەنىن ەسكە سالادى.
بۇعان دەيىن اقتوبە قالاسىندا اۋلادا ويناپ جۇرگەن كىشكەنتاي قىزدى بەيتانىس بويجەتكەن وزىمەن بىرگە ەرتىپ كەتپەك بولعانى تۋرالى حابارلاعانبىز.