قازاقستان مۇناي ەكسپورتىن بالامالى باعىتتار ارقىلى كەڭەيتۋدى قاراستىرىپ جاتىر. بۇل تۋرالى ەنەرگەتيكا ءمينيسترى ەرلان اقكەنجەنوۆ مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, ەل مۇناي ەكسپورتىن ارتتىرۋ جانە تاسىمال شىعىندارىن ازايتۋ باعىتىندا جۇمىستارىن جالعاستىرىپ جاتىر. بۇل ءوز كەزەگىندە ەكسپورت كولەمىنە تىكەلەي اسەر ەتەدى.
«بىزدە جوسپار بويىنشا 2,2 ملن, بىراق 3 ملن-عا دەيىن جەتكىزە الامىز. اقتاۋ پورتىندا بىزدە مۇنداي مۇمكىندىكتەر بار», دەدى ەرلان اقكەنجەنوۆ.
قازاقستاندا جىلىنا 10 ملن توننا مۇناي وڭدەيتىن ءتورتىنشى زاۋىت سالىنادى
سونداي-اق ول باكۋ – تبيليسي – دجەيحان باعىتى ارقىلى جەتكىزىلىمدەردى كەڭەيتۋ ماسەلەسى قاراستىرىلىپ جاتقانىن اتاپ ءوتتى. ءمينيستردىڭ ايتۋىنشا, ازەربايجان تاراپى قازاقستان مۇنايىنىڭ قوسىمشا كولەمدەرىن قابىلداۋعا دايىن.
«ازەربايجان تاراپى قازاقستاننان كەلەتىن مۇناي كولەمىن كوبىرەك قابىلداۋعا دايىن ەكەنىن ءبىلدىردى. بۇل ءوزارا بايلانىستى پروتسەسس, سەبەبى تاسىمال قۇنى تومەندەمەيىنشە قوسىمشا جەتكىزىلىمدەردى ارتتىرۋ دا قيىن», دەدى مينيستر.
ەسكە سالا كەتەيىك, بۇعان دەيىن جاۋاپتى مينيسترلىك «درۋجبا» مۇناي قۇبىرى ارقىلى ءترانزيتتىڭ ۋاقىتشا توقتاۋىنا بايلانىستى گەرمانياعا مۇناي بالامالى جولدار ارقىلى جەتكىزىلەتىنىن مالىمدەگەن بولاتىن.