قولدانىستاعى زاڭناماعا سايكەس, اتاۋلى الەۋمەتتىك كومەك الاتىن وتباسىلاردىڭ بالالارى تەگىن ىستىق تاماقپەن قامتاماسىز ەتىلۋگە ءتيىس. الماتى وبلىسى پروكۋراتۋراسى ءبىلىم بەرۋ سالاسىندا بالالاردىڭ قۇقىقتارىنىڭ بۇزىلۋىن انىقتاعان, دەپ حابارلايدى Egemen.kz.
تەكسەرۋ ناتيجەسىندە وبلىستىڭ 70-تەن استام مەكتەبىندە (ەڭبەكشىقازاق اۋدانى – 45, تالعار – 7, جامبىل – 5, ۇيعىر – 14, قاراساي – 4, قوناەۆ قالاسى – 9) اتالعان تالاپتاردىڭ ساقتالماعانى انىقتالىپ وتىر.
استانادا بالالاردى قورعاۋ كۇنىنە وراي 100-گە جۋىق ءىس-شارا وتەدى
ناتيجەسىندە 1 101 بالا مەملەكەتتىك قولداۋدىڭ بۇل تۇرىمەن قامتىلماعان.
«پروكۋرورلىق قاداعالاۋ اكتىلەرى بويىنشا بالالاردىڭ قۇقىقتارى قالپىنا كەلتىرىلىپ, بارلىق وقۋشىلار ءتيىستى تاماقپەن قامتاماسىز ەتىلدى, كىنالى لاۋازىمدى تۇلعالار جاۋاپكەرشىلىككە تارتىلدى», دەلىنگەن حابارلامادا.
جالپى وسى جىلدىڭ باسىنان بەرى وبلىس پروكۋراتۋراسىمەن 30 مىڭعا جۋىق بالانىڭ قۇقىقتارى مەن زاڭدى مۇددەلەرى قورعالعان.
بۇعان دەيىن جازعى دەمالىس كەزىندە بالالار قاۋىپسىزدىگى قالاي قورعالاتىنى تۋرالى حابارلاعانبىز.