اقش پەن يران 60 كۇندىك ءوزارا تۇسىنىستىك مەموراندۋمى بويىنشا الدىن الا كەلىسىمگە كەلدى. الايدا قۇجاتتى اقش پرەزيدەنتى دونالد ترامپ ءالى رەسمي تۇردە ماقۇلداماعان, دەپ حابارلايدى Egemen.kz.
تاراپتار ەكىجاقتى شارتتاردىڭ باسىم بولىگى بويىنشا كەلىسىپ قويعان. قۇجاتتا اتىستى توقتاتۋ رەجيمىن ۇزارتۋ, يراننىڭ يادرولىق باعدارلاماسى بويىنشا كەلىسسوزدەردى جۇرگىزۋ تالقىلانعان. كەلىسىم اياسىندا ورمۇز بۇعازى ارقىلى ەركىن تەڭىز قاتىناسىن قامتاماسىز ەتۋ, سونداي-اق يراننىڭ 30 كۇن ىشىندە تەڭىز مينالارىن الىپ تاستاۋ مىندەتتەمەسى قاراستىرىلعان.
ترامپ يرانعا يادرولىق كەلىسىم بويىنشا تالاپ قويدى
دەگەنمەن بىرقاتار تارماق ءالى دە تالقىلانىپ جاتقاندىقتان, ۆاشينگتون بيلىگى مامىلەنىڭ جۇزەگە اسپاي قالۋ قاۋپى بار ەكەنىن مويىنداپ وتىر.
ء«بىز ءالى كەلىسىمگە قول جەتكىزگەن جوقپىز, بىراق كەلىسىم جاساۋعا جاقىنبىز. جۇمىستى جالعاستىرامىز», دەدى اقش ۆيتسە-پرەزيدەنتى دجەي دي ۆەنس.
ايتا كەتەيىك, كەيىنگى تاۋلىكتەردە اقش پەن يران اراسىندا اسكەري شيەلەنىس تە كۇشەيگەن. اقش درون ۇشىراتىن نىسانعا سوققى جاساسا, يران كۇشتەرى كۋۆەيتتەگى اقش بازاسىنا زىمىران جانە درون شابۋىلدارىن جاساعان.
ترامپ يران كەلىسىمىنە قاتىستى اسىعىس شەشىم قابىلداماۋعا شاقىردى