الماتى حالىقارالىق اۋەجايىندا فرانكفۋرت باعىتىنا ۇشپاق بولعان شەتەل ازاماتى قوعامدىق ءتارتىپتى بۇزىپ, انىقتاما بيۋروسى ماڭىندا جانجال شىعاردى, دەپ جازادى Egemen.kz.
كولىكتەگى پوليتسيا قىزمەتكەرلەرىنىڭ مالىمەتىنشە, وقيعا اۋەجايدىڭ ەكىنشى قاباتىندا بولعان. ماس كۇيدەگى شەتەلدىك ءوزىن اگرەسسيۆتى ۇستاپ, بالاعات سوزدەر ايتىپ, شىنى ۆيتريناعا سوققى جاساعان. سونىڭ سالدارىنان اينەك سىنىپ, انىقتاما بيۋروسىنىڭ قىزمەتكەرلەرىنە قۇلاعان. ابىروي بولعاندا, ەشكىم زارداپ شەكپەگەن.
ءتارتىپ بۇزۋشى بىردەن پوليتسيا بولىمشەسىنە جەتكىزىلدى. ونىڭ 32 جاستاعى كانادا ازاماتى ەكەنى انىقتالدى. ەر ادام قازاقستاندا تۇرىپ, ارىس قالاسىنداعى جەكەمەنشىك كومپانيالاردىڭ بىرىندە جۇمىس ىستەيتىنى بەلگىلى بولدى.
اقتاۋ ماڭىندا شۆەيتساريالىق تۋريستەر مىنگەن كولىك اۋدارىلىپ قالدى
تەكسەرۋ قورىتىندىسى بويىنشا شەتەلدىككە قوعامدىق ورىندا ماس كۇيدە جۇرگەنى جانە ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىك جۇكتەلدى. سوت شەشىمىمەن وعان 30 اەك كولەمىندە ايىپپۇل سالىندى.
بۇعان دەيىن الماتى تاۋلارىندا جاراقاتتانعان شەتەلدىكتىڭ قۇتقارىلعانى تۋرالى حابارلاعانبىز.
سونداي-اق اتىراۋ اۋەجايىندا سومكەسىندە قارۋ بارىن ايتقان جولاۋشى رەيستەن ءتۇسىرىلدى.