قازاقستان ەاەو مەن ورتالىق ازيا ەلدەرى اراسىندا ءموبيلدى بايلانىس قۇنى بويىنشا ەڭ قىمبات مەملەكەتتەردىڭ قاتارىنا كىرىپ وتىر. الايدا ينتەرنەت جىلدامدىعى سوڭعى ايلاردا ايتارلىقتاي تومەندەگەن, دەپ حابارلايدى Egemen.kz.
حالىقارالىق ەلەكتربايلانىس وداعى (ITU) – 2025 جىلعى دەرەكتەرىنە سايكەس, جوعارى تۇتىنۋعا ارنالعان ءموبيلدى بايلانىس تاريفتەرىنىڭ قۇنى (140 مينۋت, 20 SMS جانە 5 گب ينتەرنەت) ەاەو مەن ورتالىق ازيا ەلدەرى اراسىندا ايتارلىقتاي ايىرماشىلىق كورسەتەدى.
ەڭ ارزان تاريف وزبەكستاندا تىركەلگەن – ايىنا 2,32 دوللار. ودان كەيىن قىرعىزستان (2,87 دوللار) جانە بەلارۋس (4,99 دوللار) ورنالاسقان.
ال قازاقستاندا مۇنداي ءتاريفتىڭ ورتاشا باعاسى 11,8 دوللاردى قۇراپ, وڭىردەگى ەڭ قىمبات ەلدەردىڭ ءبىرى بولدى. ودان دا جوعارى كورسەتكىش تەك تۇرىكمەنستاندا تىركەلگەن – 51,4 دوللار.
ITU دەرەكتەرىنە سايكەس, قازاقستاندا ءموبيلدى ينتەرنەت باعاسى سوڭعى جىلدارى تۇراقتى ءوسىپ كەلەدى:
2022 جىلى – 7,44 دوللار 2023 جىلى – 8,89 دوللار 2024 جىلى – 11,14 دوللار
سونىمەن قاتار, قازاقستاننىڭ ۇلتتىق ستاتيستيكا بيۋروسى مالىمەتى بويىنشا, ءموبيلدى تاريفتەردىڭ باعاسى ءبىر جىلدا شامامەن 10%-عا ارتقان.
ۇلتتىق قاۋىپسىزدىك كوميتەتى ينتەرنەت جانە كيبەرسالادا باقىلاۋدى كۇشەيتەدى
ينتەرنەت ساپاسى بويىنشا قازاقستان وڭىردە كوش باستاپ تۇرسا دا, سوڭعى ايلاردا جىلدامدىقتىڭ تومەندەۋى بايقالادى. Speedtest Global Index دەرەكتەرىنە سايكەس, 2026 جىلدىڭ ناۋرىزىندا ءموبيلدى ينتەرنەتتىڭ ورتاشا جىلدامدىعى 93,68 مبيت/س بولىپ, الدىڭعى ايلارمەن سالىستىرعاندا ازايعان.
سالىستىرمالى تۇردە, وزبەكستان مەن قىرعىزستاندا جىلدامدىق بىرتىندەپ ءوسىپ وتىر.
ايتا كەتەيىك, وسىعان دەيىن پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ ەلىمىزدە موبيلدى ينتەرنەتتىڭ ورتاشا جىلدامدىعى 75%-عا ارتقاندىعىن ايتقان بولاتىن.