قازاقستاندا اسكەرگە بارماعان 50 جاسقا دەيىنگى ەر ازاماتتاردى قايتا دايارلاۋعا جىبەرۋ ۇسىنىلدى. باستامانى استانا قالاسىنىڭ قورعانىس ىستەرى دەپارتامەنتىنىڭ وكىلى عاني ارتىقوۆ كوتەردى. زاپاستاعى پولكوۆنيك بۇل ۇسىنىستى تەلەارناعا بەرگەن سۇحباتىندا ايتتى, دەپ حابارلايدى Egemen.kz.
دەپارتامەنت وكىلىنىڭ ايتۋىنشا, قازىر حالىقارالىق جاعدايدىڭ تۇراقسىزدىعىنا بايلانىستى ەلدىڭ موبيليزاتسيالىق رەزەرۆىن كۇشەيتۋ قاجەت. وسىلايشا, جالپىعا بىردەي اسكەري مىندەتتى قالپىنا كەلتىرۋ كەرەك دەپ ەسەپتەيدى.
جەلىدە تاراعان ۆيدەوداعى جىگىت اسكەرگە ءوز ەركىمەن بارا جاتقانىن ايتتى
ول ءوز ۇسىنىسىندا بىرنەشە دايارلىق تەتىگىن قولدانۋ كەرەگىن ايتتى. ماسەلەن, ءبىر جىلدىق اسكەري دايىندىق اياسىندا ساربازدار موبيليزاتسيالىق رەزەرۆتى تولىقتىرۋ ءۇشىن دايىندالادى. سونداي-اق ساربازداردى 40 كۇندىك اسكەري-تەحنيكالىق مەكتەپتەردە وقىتۋ دا بار. باستى نازار مەرگەندەر, گراناتا اتقىشتار مەن پۋلەمەتشىلەر سياقتى تار بەيىندى مامانداردى دايارلاۋعا اۋدارىلماق.
اسكەردەگى جاڭا تالاپ: ەندى سارباز قىزمەت بارىسىندا كەمىندە 5 كىتاپ وقۋعا مىندەتتى
سونىمەن قاتار, پولكوۆنيك زاماناۋي سوعىس جۇرگىزۋ تاسىلدەرىن, ونىڭ ىشىندە ۇشقىشسىز باسقارىلاتىن اپپاراتتاردى مەڭگەرۋدىڭ ماڭىزىن اتاپ ءوتتى. بۇل اسكەري-تەحنيكالىق مەكتەپتەر مەن ءبىر ايلىق جيىنداردىڭ مىندەتتى بولىگىنە اينالۋعا ءتيىس.
اسكەرگە شاقىرتۋ العان كەزدە نە ىستەۋ كەرەك؟
الايدا بۇل ۇسىنىس قوعام تاراپىنان سىنعا ۇشىرادى. الەۋمەتتىك جەلىلەردە ەل ازاماتتارى مۇنداي شارالاردىڭ قاجەتتىلىگىنە كۇمان كەلتىرىپ, ەلدە كاسىبي ارميا بار ەكەنىن العا تارتىپ جاتىر.
ايتا كەتەيىك, قورعانىس مينيسترلىگى اسكەري قىزمەتشىلەرىگە اقشالاي ۇلەس, جاردەماقىلار جانە وزگە دە تولەمدەردى تولەۋ قاعيدالارىنا وزگەرىستەر ەنگىزدى.