الماتى قالاسىندا مونيتورينگ ناتيجەسىندە 1595 زاڭسىز ستاتسيونارلىق ەمەس ساۋدا نىسانى انىقتالعان. بۇل تۋالى قالالىق كاسىپكەرلىك جانە ينۆەستيتسيالار باسقارماسىنىڭ باسشىسى بەرىكبول ماندىباەۆ قالا اكىمىنە بەرگەن ەسەبىندە مالىمدەدى, دەپ حابارلايدى Egemen.kz.
ونىڭ ايتۋىنشا, ولاردىڭ 509-ى مەملەكەتتىك جەر قورىندا, 210-ى جەر تەلىمىن ماقساتتى پايدالانۋدى بۇزا وتىرىپ جەكە اۋماقتاردا ورنالاسقان, ال 876-سى قالانىڭ بەكىتىلگەن ديزاين-كود تالاپتارىنا سايكەس كەلمەيدى.
باسقارما باسشىنىڭ سوزىنشە, مۇنداي نىساندار جاياۋ جۇرگىنشىلەرگە كەدەرگى كەلتىرىپ, قالانىڭ ساۋلەتتىك كەلبەتىنە زيان كەلتىرىپ, تۇرعىندار تاراپىنان شاعىمداردىڭ كوبەيۋىنە سەبەپ بولىپ وتىر.
الماتىداعى «ەميل» ءدامحاناسىنا قوسالقى سالىنعان نىسان سوت شەشىمىمەن ءسۇرىلدى
الماتى اكىمى دارحان ساتىبالدى زاڭسىز ساۋدا نىساندارىنا قاتىستى قاتاڭ شارا قابىلداۋدى تاپسىردى.
«ەڭ الدىمەن جاۋاپكەرشىلىك اۋدان اكىمدەرىنە جۇكتەلەدى, ولار كۇن سايىن اۋماقتاردى ارالاپ, زاڭبۇزۋشىلىقتاردى انىقتاۋعا ءتيىس. جىل باسىنان بەرى بار بولعانى 157 نىسان سۇرىلگەن – بۇل قالا ءۇشىن تومەن كورسەتكىش. ەلەكتر جانە سۋ جەلىلەرىن اجىراتۋ, پوليتسيامەن بىرلەسىپ اكىمشىلىك جاۋاپكەرشىلىككە تارتۋ قاجەت. ەشقانداي جەڭىلدىك بولماۋى كەرەك», دەدى دارحان ساتىبالدى.
الماتىدا زاڭسىز سالىنعان اۆتوسەرۆيس نىسانى ءسۇرىلدى
الماتى اكىمى جاۋاپتىلارعا ماسەلەنى رەتتەۋگە ءبىر اي مەرزىم بەلگىلەدى.
نۇربولات امانبەك