الماتى قالاسى پوليتسيا دەپارتامەنتى قىزمەتكەرلەرى جەدەل-پروفيلاكتيكالىق ءىس-شارالار اياسىندا زاڭسىز اينالىمنان 681 دانا پىشاق, كاستەت, دۋبينكا جانە قوعامدىق قاۋىپسىزدىككە قاتەر توندىرەتىن وزگە دە زاتتار تاركىلەنگەن, دەپ حابارلايدى Egemen.kz.
الماتى قالالىق پد قوعامدىق قاۋىپسىزدىك باسقارماسىنىڭ باسشىسى تيمۋر نوعايباەۆ قابىلدانىپ جاتقان شارالار قۇقىقبۇزۋشىلىقتاردىڭ الدىن الۋعا جانە ازاماتتاردىڭ قاۋىپسىزدىگىن قامتاماسىز ەتۋگە باعىتتالعانىن ايتتى.
«وزىمەن بىرگە پىشاق, كاستەت جانە وزگە دە تىيىم سالىنعان زاتتاردى الىپ جۇرۋگە جول بەرىلمەيدى جانە ول زاڭدا كوزدەلگەن جاۋاپكەرشىلىككە اكەلەدى. اسىرەسە, كامەلەتكە تولماعاندارعا ەرەكشە نازار اۋدارىلادى. قۇرمەتتى اتا-انالار, بالالارىڭىزدىڭ قانداي زاتتاردى الىپ جۇرگەنىن باقىلاپ, ولاردىڭ زاڭسىز ارەكەتتەرگە ارالاسۋىنا جول بەرمەڭىزدەر», دەدى ول.
الماتىدا قاڭتار وقيعاسى كەزىندە ۇرلانعان قارۋ تابىلدى
پوليتسيا بۇل باعىتتاعى جۇمىستاردىڭ تۇراقتى باقىلاۋدا ەكەنىن جانە الداعى ۋاقىتتا دا جالعاساتىنىن مالىمدەدى.
ەسكە سالا كەتەيىك, بۇعان دەيىن دە الماتى وبلىسىندا الەۋمەتتىك جەلى ارقىلى ساتىلعان 600-دەن استام زاڭسىز قارۋ تابىلعان بولاتىن.
نۇربولات امانبەك