پرەزيدەنتتىڭ جارلىعىمەن اسكەري جانە قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى, ەلدىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋگە, زاڭدىلىق پەن قۇقىقتىق ءتارتىپتى نىعايتۋعا قوسقان ۇلەسى ءۇشىن ءبىر توپ ازامات مەملەكەتتىك ناگرادامەن ماراپاتتالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
سونداي-اق مەملەكەت باسشىسى قاسىم-جومارت توقاەۆ اسكەري جانە كۇشتىك قۇرىلىم قىزمەتكەرلەرىنە جوعارى اسكەري جانە ارناۋلى اتاقتار, سىنىپتىق شەندەر تابىس ەتتى.
ەسكە سالا كەتەيىك, بۇگىن قاسىم-جومارت توقاەۆ مەملەكەتتىك ماراپات جانە اسكەري شەن تاپسىرۋ راسىمىندە سوز سويلەدى. جيىندا مەملەكەت باسشىسى قازاقستان – بىرىككەن ۇلتتار ۇيىمىنىڭ بىتىمگەرلىك ميسسياسىن دەربەس ورىنداۋ مارتەبەسىنە يە بولعان تاۋەلسىز مەملەكەتتەر دوستاستىعى ىشىندەگى جالعىز مەملەكەت ەكەنىن ايتتى. ۇزدىك اسكەري تۇلەكتەرگە بىردەن «اعا لەيتەنانت» شەنى بەرىلۋى مۇمكىن